Video
Exit A1, Tsuen Wan West MTR Station, Exit A2, Tsuen Wan West MTR Station, Exit E2, Tsuen Wan West MTR Station
continue reading
Telephone
26081338
Opening Hours
Today
12:00 - 22:30
Mon - Thu
12:00 - 22:00
Fri - Sun
12:00 - 22:30
Public Holiday
12:00 - 22:30
Above information is for reference only. Please check details with the restaurant.
About Reward Scheme
🔸 801盛 $198黑毛和牛炙(150g) ＋蔥鹽味雞腿肉＋腹前牛小扒 跟餐白飯及味噌湯大大片頂級和牛肉，滿佈大理石紋油脂，跟一隻溫泉蛋，將啲蛋打散鋪喺和牛上面，放喺鐵板上灸不用8秒，馬上聞到一陣陣牛脂香味同蛋香，蛋槳包住和牛一齊燒就唔會錯手將和牛燒過火，因牛肉內油花較多，好容易將牛肉灸得美拉德反應，外面有點燒焦，和牛入口即溶，十分鮮甜美味。 百幾蚊就有一片頂級和牛肉食，都幾抵食！ 呢個餐仲跟咗一大塊雞髀肉，切開幾件嘅， 仲有3枚牛小扒。 另外有一碗味道好濃嘅味噌湯，同埋白飯一碗。 餐廳自家製嘅鹽蔥就係用嚟蘸啲燒雞髀肉嘅，咸咸哋嘅蔥粒跟剛炙熟嘅嫩滑雞髀肉，蔥味雞味在一起好搭配好好味😚味道：8/10性價比：7/10🔸803神盛 $168 跟餐白飯及味噌湯有9塊 比較瘦嘅 腹前牛小扒，係已經浸滿咗燒汁嘅， 可以將一大堆牛肉放滿鐵板一齊灸燒， 有驚喜嘅就係牛肉雖然瘦，但係肉質比較上成，燒熟咗嘅牛肉香味四散，咬落啲牛肉一啲都唔會柴，啖啖肉最啱就係一啲無肉不歡嘅朋友嚟大快朶頤，牛肉踭蘸上嗰啲鹹鹹哋嘅燒汁，實在好餸飯，點餐時可以囑咐伙記來碗加大嘅白飯🤪味道：7/10性價比：7/10▪️🔹環境： 餐廳就喺荃灣大會堂對面，有兩邊大玻璃窗口位，可以望正大會堂，環境清靜，裝修佈置好精緻，坐得好舒服，讚👍
continue reading
今日午餐去咗位於荃灣廣場既燒肉801度食晏。 我地去到就叫咗lunch set 801同802，我地仲升級做紫菜飯，最估唔到係個飯入面仲有個生蛋黃，撈埋啲紫菜同飯簡係好味。802個餐有牛小排、黑毛豬同雞腿肉，可以一口氣食到唔同既肉，各有特式。牛小排食到啖啖牛香，點埋個燒肉汁，食落好惹味，雞腿肉點上蔥鹽味就一絕。今餐主角一定係801既黑毛和牛肩胛肉！塊和牛啲雪花分布得好均勻，食到好香牛脂味，燒完之後撈埋生蛋黃，入口即溶，食落更加嫩滑！我地仲叫咗平日出面少見既日本忌廉汽水同日本蜜瓜汽水都好好飲！
continue reading
今次嚟食lunch，揀了801盛嘅日式燒肉，真係好正啊！有大判燒黑毛和牛肩胛肉、腹前牛小排同蔥鹽味雞腿肉。嗰個黑毛和牛肩胛肉真係好嫩滑，每一口都可以感受到肉質嘅細緻同口感。腹前牛小排都肥瘦剛剛好，肉質鮮嫩多汁，加上蔥鹽味嘅雞腿肉，真係一絕！每一樣肉品都有自己嘅風味同質地，真係好滿足啊！仲有叫了803神盛，佢哋用咗特上牛胸腹肉、腹前牛小排同牛板腱肉。特上牛胸腹肉入口即溶，每一口都可以感受到嗰份鮮嫩滑溜。腹前牛小排同牛板腱肉都肉質鮮美，口感豐富。兩款肉品嘅配搭真係絕配，味道層次感十足！午市套餐都好抵食，有附埋米飯同飲品。仲可以加三片牛舌，只係$23。米飯香噴噴，令整個餐餐更加飽足。牛舌都不錯有嚼勁！
continue reading
荃灣廣場有間好顯眼嘅燒肉店 #燒肉801紅噹噹嘅門面，每次都吸引我想試！今次見到出左OMAKASE套餐，3人份只係$428😍平過二人散叫😂#OMAKASE套餐 $428三人份量，好豐富！套餐包左5款吾同嘅牛🐮鹽味牛舌、美國牛肩胛肉、牛板腱肉、美國牛肋骨條肉同埋上級牛肋眼卷肉❤️牛舌可以配枱面比左你嘅檸檬汁🍋個人最鐘意上級牛肋眼卷肉，牛肉濃又嫩口🤤牛肋骨條比較厚身，都好好食！唯一美中不足係，多醬汁個爐好易燶😂我燒到換左4張板板。。可能我手勢唔好😵💫😵💫套餐再配埋生菜，醃蘿蔔、泡菜同浸泡青瓜🤤仲有少見嘅炒年糕🤤薯蓉同沙律🥗大食嘅朋友仔仲可以加個紫菜飯🍚依餐好滿足😌最後埋單盛惠$598👍性價比高嘅一餐❤️❤️
continue reading
呢到燒肉唔錯,已食過幾次！唯今次的免費茶不好飲！可能我太耐冇嚟,以前啲茶好好飲！已叫侍應換咗茶包,但仍是沒有茶味,飲熱開水一樣！應該每一次畀一個新客嘅時候就要換茶包！👎👎服務都可以嘅！
continue reading