Video
9-min walk from Exit B, Shek Mun MTR Station; 8-min walk from Exit B, Shek Mun
continue reading
Telephone
36531112
Opening Hours
Today
11:00 - 23:00
Mon - Sun
11:00 - 23:00
*Advance reservation is required
Above information is for reference only. Please check details with the restaurant.
-
Online Booking Service Coming Soon
三十晚年夜飯好冷清，得三圍枱。但三圍枱都可以上錯菜的，碟餸來到夾過撈過然後話上錯要拎走，茶餐廳都無噤難看，唔講咩排塲，無禮貌無台型，點叫酒店？碟菜唔係你的就佢的，你話會唔會炒過？ 阿叔你就噤就一句唔好意思就算 好唔尊重，好。。。。失禮囉。 全部人懵盛盛。落單，廚房，傳菜。其實你哋怨咩生活唔好，你哋做到咁不如唔好做啦。CNY menu 上都無價錢的。 唉 😮💨⋯⋯好嬲。埋單四位$3500，落樓下食buffee無噤嬲。
continue reading
就嚟又到左食大閘蟹季節🦀超推薦佢哋嘅蟹宴，由第一道菜開始已經充滿驚喜，每款都出其不意，精美特別💕非常適合家庭聚餐❤️頭盤係大閘蟹粉拉絲酥、龍蝦湯意式蟹粉雲吞，千層酥仲可以食到芝士拉絲，入口超鬆化！配埋滿滿嘅蟹粉，真係超滿足！龍蝦湯加入左海膽醬，鹹香惹味👍🏻花膠螺頭爵士湯，湯入邊加入咗蜜瓜汁！真係會飲到濃濃嘅蜜瓜香，清甜味道超正😻清蒸大閘蟹 包住昆布去蒸，更加可以吊出鮮味🫶🏻 啲蟹膏超好食😍月份大閘蟹會更加肥美🙊💕仲會配埋薑茶比客人，好貼心❤️藤椒清湯大根牛筋腩牛筋腩超腍！湯頭入口麻香，超暖胃💕松葉蟹肉扒翡翠滿滿嘅松葉蟹肉😍配菠菜好夾🤩醬油墨汁稻庭麵拌蟹粉好多蟹粉！🤩超足料🥳 撈鹹香嘅墨汁拉麵超特別！口感煙韌，超鍾意呢道菜🤤甜品係蛋白杏仁茶+芝麻卷芝麻卷用日本芝麻醬去整，芝麻味好濃厚，唔會黐牙，超好食😋上面有蛋白霜再撈埋杏仁茶，口感好得意，味道唔會好甜，完美句號❤️
continue reading
991 views
朋友知道我喜歡清酒，介紹咗我呢個wine pairing dinner，聽講呢個酒藏從未係香港出現過，而且佢幾隻清酒嘅味道都有蜜瓜，香蕉嘅香味，令人好期待。呢個wine pairing除咗可以試到一啲新嘅清酒之外，最緊要係可以試到Bosco嘅手勢，應該都有一段時間冇見過佢，上次唔記得左係唔係係千禧新世界的中菜了，聽講今次佢有極多空間發揮，所以更加令人期待。呢個Menu提供去到八月底，碰巧第一日食可以有優惠。多得朋友提我先有得去。當晚仲要有日本來嘅嘉賓講解呢幾支sake。前菜有三樣小食，元貝有兩食，用上咸旦鮮菌做嘅一個撻，加上元貝肉，另外嘅原隻鮮元貝用上手指檸檬充滿果香，前者有令人滿足嘅口感，後者則係開胃之作。至於蟶子用上沙薑同青提來營造另一種嘅夏日開胃口感，而蟶子比平時吃到的更加爽口。呢個前菜配上開運貓純米，雖然唔係純米大吟樣，但係入口個種香同甜，令人欣喜。松葉蟹肉蓋一上場，大家都好期待，加上了洋蔥同香茜後，同平時食蟹蓋覺得好膩完全變成兩回事，滿滿的蟹肉，食得令人好滿足。配上開運呢支純米大吟釀，個甜味重，有強勁的密瓜甘香，送一條條粗獷嘅蟹肉，就最適合。蝴蝶腩加上了八珍醋，旁邊加點蓮藕，開運特別本釀造，同個蝴蝶腩都幾夾，我最鍾意佢之後嘅白帶魚係呢度食過嘅員工話最值得期待嘅菜式，加上了底層嘅咸菜同那個如法式的泡沫，煎得剛剛好，配埋開運葛之里純米，一種如爽酒嘅勁度，之後的小白菜湯加上胡椒同金果，個人最愛個湯頭，非常甜美。用上干蔥同脆脂做主角嘅主食就一定邪惡？未必，佢撈埋窩荀菜飯，咁健康嘅菜飯又點會係好肥膩，相反干蔥同脆脂令個飯更容易入口同香口。甜品相對簡單一點，粟子，西米焗完好夠濃味，旁邊的熱情果食完食前都可以清新一點完美個體驗。
continue reading
早前有幸出席ALVA酒店中菜廳逸軒聯乘日本靜岡縣土井酒造的「開運。感嚐 清酒師房菜」, 首嚐開運清酒, 留下深刻印象, 以配搭酒店總廚李家鋌師傅Bosco的精緻佳餚, 非常滿足~酒廠清酒師介紹今晚幾款清酒, 而酒杯也整齊排好, 並做了標示, 七道菜晚餐即將展開!! 第一道菜名為喜慶, 爽滑的沙薑蟶子置在青提薄片上, 新鮮沙薑的香氣真的很迷人! 厚肉元貝上粒粒脆卜卜帶微酸, 意想不到的驚喜. 而另一小點是香脆的小窩盛著咸蛋、鮮菌及手指檸檬, 是三款之中相對較濃味的.以屬開胃酒的開運貓純米(酒精度16%)來搭配, 帶蜜瓜和青瓜香氣, 水嫩清脆. 第二道菜是無雙, 味道濃郁, 松葉蟹肉拌了洋葱及香茜, 夠提鮮! 每匙是滿滿的蟹肉與肉汁, 配搭開運純米大吟釀 (酒精度16%), 香氣優雅, 口感輕盈細膩, 帶香瓜及蘋果的甜美風味, 這亦是當晚我最喜歡的清酒. 滿足 - 以八珍醋炆煮蝴蝶腩, 看來乾身, 實質吃起來夠好鬆軟, 點睛之作是碟上的刁草油, 增加味道層次, 配搭 開運波瀨正吉大吟釀(酒精度17%), 優雅順滑香氣, 口感細膩, 清爽帶微酸. 想不到開運特別本釀造 15% 更勝一籌, 味道更醇更濃郁, 輕甜柔和, 清爽而帶辛辣的餘韻.菜式由淡至濃味, 來到這道高雅 – 是白帶魚伴咸菜及紫蘇, 醬汁咸香. 伴濃郁花香及酸度較高的開運葛之里純米, 平衡了油膩感.薑味甚濃的是未來, 喝一口熱熱的, 有解酒作用, 湯頭濃郁, 少少像胡椒豬肚湯. 香芹的清香, 又有銀杏及小白菜, 喝得好舒適. 有甚麼原因會令你吃白碗? 就是太好味! 憧景 – 菜飯以干葱、脆脂及窩荀炒, 飯粒乾爽, 特別之處是咸香微甜的乾葱, 脆脆口感, 越吃越想吃.一聽到幸福就知道是到甜品環節. 甜度適中的栗蓉布甸, 用料足, 旁邊還有熱情果蒟蒻.清酒師房菜由2023年7月8日起至8月31日供應, 每位HK$1180+10%(四位起), 必須預約.
continue reading
相識於早年的李家鋌Chef Bosco近來轉到帝逸酒店的逸軒當主廚，適逢餐廳這夜有場美酒佳餚盛宴我這小粉絲當然要第一時間去捧場。這夜來到逸軒正是要品嚐開運 ‧ 感嚐清酒師房菜，超期待再次品嚐到Bosco師傅的精湛菜式。逸軒跟日本靜岡縣土井酒造攜手打造精心安排的晚宴，以Bosco師傅一系列精緻美食配襯酒廠匠心製作的清酒，誓要擊倒我們一眾饞嘴人的昧蕾。這一刻七道菜的晚宴蓄勢待發！大家先來個碰杯好好細味開運清酒一番。第一枝配酒是開運貓純米瓶身以招財貓作裝飾好可愛呢！呷一口清酒帶有水果香氣不會太甜，作為第一道清爽的前菜配酒好稱職。首道菜式名*喜慶* 沙薑青提蟶子、手指檸檬元貝、鹹蛋鮮菌，創意十足的配搭味道各有特色好吸引。此菜伴碟的並非指天椒而是新鮮杞子，首次品嚐這個新鮮杞子味道真的非常驚艷，入口清甜得來帶上少許甘香可口萬分。首先品嚐這份沙薑蟶子用了新鮮沙薑為蟶子來調味，吃下口感爽滑有嚼頭之餘味道還非常特別，加上墊底的香甜青提片令成道菜感覺很清爽。然後這件厚身元貝則用上特別的手指檸檬來伴吃，元貝外層煎得焦香內裏則保持著軟滑口感，再襯上香得來不太酸的手指檸檬頗為可口。最後這一件鮮菌脆盞是用了邪惡的鹹蛋來配襯雜菌！脆盞吃下口感鬆化菌香帶上甘香的鹹蛋的黃味道，令鮮菌也變成有層次惹味的豐富菜式。接下來我們可以品到開運純米大吟釀，這枝大吟釀口感輕盈中帶出優雅的香氣，而且味道很香甜是我喜歡的酒香。第二道菜名叫*無雙*洋蔥、香荽松葉蟹肉，說穿了即是我們經常吃的焗釀蟹蓋！但這個用了日本松葉蟹來炮製出來的味道又是另一番新景象。滿滿的松葉蟹肉充斥於蟹蓋之中混入了香甜的洋蔥及香荽來調味，吃到的是梳梳蟹肉本身鮮甜和洋蔥的香甜味道，最重要是一點也不膩口非常叫人回味的蟹蓋。第三枝清酒是開運特別本釀造口感比較辛辣，用來配接下來的第三道菜我覺得非常匹配。美酒配這一客*滿足*八珍醋、蓮藕、蝴蝶腩真的超級合襯可惜這份蝴蝶腩選用了牛肉！可幸Bosco師傅好貼心換上了東坡肉給我品嚐，同樣的烹調方法一樣吃到鬆化可口的肉質，加上有我喜歡的甜醋香氣這味道太令我神往了。最後這一枝開運葛之里純米帶出了含蓄的花香，幽幽地在鼻子徘徊好誘人，這杯用來配襯濃郁食物也是非常合襯的組合。所以師傅用了鹹菜、紫蘇、白帶魚創造出*高雅*這道菜來配葛之里純米，弄得香脆可口的白帶魚配襯了爽口鹹菜和香氣撲鼻的紫蘇，吃著味道醇厚中帶點鹹香很惹味耶。緊接著的是*未來*胡椒 、金果、小白菜，光是看那湯色已經感覺到那份濃厚之味。小白菜沉浸於充滿胡椒香氣的湯汁上吃下味道鮮甜可口，加上甘香的白果展示出完美的味道。來到主食環節我們得到的是*憧憬*干蔥、脆脂、萵筍、菜飯，看上去非常簡單的一個菜飯竟然有能令我將它吃光光的威力好厲害喔！菜飯上鋪有干蔥和豬油渣這兩大香氣之物加上粒粒爽脆的萵筍，令簡單的菜飯也變成人了間美食。最後一道菜叫做*幸福*是份傳統中帶點西式感覺的甜品，西米布甸內裏有香甜美味的栗子蓉，師傅更聰明地配上一件熱情果白涼粉可以緩解甜膩感覺之餘更見爽口。開運 ‧ 感嚐 清酒師房菜收費為＄1180/位(四位起)，由即日起至8月31日於逸軒供應。
continue reading