Video
Opening Hours
Today
07:00 - 22:00
Mon - Sun
07:00 - 22:00
Above information is for reference only. Please check details with the restaurant.
以前食過好多次嘅好味米線，佢嘅酸辣味幾獨特係經典，最近經過荃灣再食一次，感覺水準有下跌，略為失望🙁🙁今晚食人龍唔算長，都好快有位。最鍾意叫三餸，推薦腩肉、雞肉、豬腸酸辣米線通常會揀唔辣，因為本身腩肉嘅辣都足夠，一定要叫少油‼️如果唔係啲油嘅份量都幾多下，腩肉都keep到水準，肥瘦均勻好夠味，每次必點，其他配料還不錯。可惜湯底食落大不如前，冇咩酸辣味，主要得鹹味，味道冇以前咁豐富，希望下次食會有改善。
continue reading
👨🏻🍳唯一雲貴川風味 (荃灣)📍荃灣四陂坊14號地舖 「腩肉都系咁好食」 老顧客了，以前排好耐隊，宜家都吾使點排，不過我又吾覺得食物差左😆 其他米線店，好少揀腩肉，呢間系要揀既👍🏻大大塊，調味、肉質，都系唯一先有。以為望落「柴」？😈食落吾柴架😝 不過環境就窄D🙈圓凳，坐得無乜舒服。望落都好似污污糟糟咁🙈同埋餸既選擇都少D🙈所以都系想食腩肉米線先去食，暫時荃灣top1，都系「雲家」😆👍🏻 #唯一雲貴川風味 #腩肉米線 #荃灣米線推介 #香港米線關注組
continue reading
傍晚大約七點左右到，初初都未見到人龍，過咗十分鐘左右後面已經好多人排。大約等咗十分鐘就入得，店員會預先落單，坐低冇耐就有得食。晚市太多人，店入面太逼，食碗麵都怕整到左右邊同後面嘅人。 我哋叫咗一碗豬潤腩肉小辣同一碗炸醬腩肉小辣，但佢一攞過嚟我哋一望俾啲油嚇親。 之後睇返發現原來腩肉可以走油，建議店員可以喺落單嘅時候提一下，第一次食真係唔知會咁多油。雖然好浪費食物，但真係好怕食咗之後會病。食咗幾啖就頂唔順啲油，啲油好似封住個喉嚨咁😭
continue reading
不嬲就開重口味風格嘅米線，點解湯底淡咗咁多呢？酸辣完全唔酸，小窩米線冇味，腐竹煮到爛晒完全冇一塊係完整，同之前差好遠，四餸仲要$67一碗，以前覺得值，而家湯底冇味唔會再去😠
continue reading
由細食到大，雖然冇以前咁好食，但依然都係排長龍，可能真係食佢嘅風味，最後排咗大概10分鐘就入到🥺記得我以前食嘅時候好似冇咁油，依家愈來愈油，之前聽人講原來可以叫走油，今次嚟到就即管試吓😂Ok喎，叫咗一個豬肚米線走油，一個腩肉米線走油，2個都幾好食，好夠熱，冬天食真係暖笠笠🥰講番個湯底，由於走油，起碼唔會食到成口都係油，又有少少酸菜，豬肚同腩肉本身都係辣，所以個湯底都唔會話好清，都會有啲辣，對於鍾意食辣，但又唔食得太辣嘅人嚟講係啱啱好嘅程度🤣米線都夠煙靭😇👍🏻👍🏻今次我食嘅腩肉又唔係好韌，都好易咬得開，而好多好爽口，唔錯唔錯！總評分：🍯🍯🍯🍯（4/5）
continue reading