Video
4-min walk from Exit B, Causeway Bay MTR Station
continue reading
Telephone
39969844
68099709 (WhatsApp)
Opening Hours
Today
12:00 - 15:30
18:00 - 23:00
Mon - Sun
12:00 - 15:30
18:00 - 23:00
*Lunch Last Order: 14:30
Dinner Last Order: 21:30
Above information is for reference only. Please check details with the restaurant.
Video
Photos
+105
香港興起日式放題已有一段頗長的時間，坦白講通常都是選擇很多但質素總是一般般！近來銅鑼灣開了間非常高質的和牛壽喜燒放題店，主打關東風壽喜燒及涮涮鍋加上優質壽司和刺身真的非常吸引。就是座落於銅鑼灣金朝陽中心2期Midtown8樓的Nikusa肉佐，超推介給想品嚐高質靚和牛及其他日式美食的朋友去吃，打開升降機門便看到這個放滿靚牛肉的凍櫃，喜歡吃牛肉的朋友看見已經心心眼了。室內環境以日本居酒屋風格作裝潢！目測約有百多個座位並設有7間私人包廂房，地方非常寬敞這夜我們坐得很舒適。場內設置的魚缸內裏放滿了新鮮龍蝦！於新張期間點選最高級別的放題每四位即送龍蝦刺身一隻，散點需$198/隻所以約多幾個朋友仔一起去開餐有着數喔。經過魚缸後到達自助飲品區內裏放滿了多款罐裝及樽裝飲品，可以無限暢飲很適合缺水的我，不愛凍飲的朋友可以自己沖泡熱辣辣的煎茶或玄米茶，還見到有爆谷機亦是任取項目真的好開心。但最令我驚喜肯定是這個可以無限追加的招牌梳乎厘班戟！只要你點上Level 4以上的放題便可以無限任吃這個超吸睛的Pancake。除了班戟另外還有焦糖燉蛋、水果果凍、抹茶奶凍、日本蕨餅、百味糖軟雪糕及棉花糖等美味甜點任吃，相信甜牙齒必定非常喜歡不會投訴了吧。自助區還有不少熱食供應包括有炸雞塊、菜肉餃子、枝豆、赤富士米、日式牛肉咖喱、味噌湯及關東煮等。緊接著兩個大凍櫃內放滿了各式各樣的前菜，有我喜歡吃的青瓜海蜇、煙三文魚、泡菜、八爪魚仔、味付螺肉、中華沙律及坊間少有的海葡萄，還有大量的火鍋配料當吃罷壽喜燒便可以品嚐豐富的涮涮鍋了。菜單分為五個不同質素的級別價錢由$228~$598/位！享用晚市Level 1~3可於90分鐘內盡享79~103款美食，Level 4~5則可嘆足180分鐘多達110~115款美食的豐盛放題，好友愛品嚐靚和牛所以我們選了Level 5的最高級別。先取四小碟前菜來打開胃口當中我最喜歡海葡萄充斥海水鮮味好吃。炸雞塊、菜肉餃子同枝豆也不錯吃，尤其是菜肉餃子更是香脆又Juicy。點上Level 5的我們更可以得到高質壽司拼盤一客！內裏包括有鯛魚、油甘魚、三文魚腩、中拖羅、大拖羅及炙燒和牛壽司各一件，壽司質素非常高絕對非一般放題吃得到的鮮味。藍鰭吞拿魚壽司喜歡的話更可再無限添食，另外更共有15款壽司可供選擇任點真的超吸引，另外選上兩款我至愛的壽司來品嚐！鰻魚壽司弄得非常香甜可口推介給喜歡吃鰻魚的朋友，擁有海底鵝肝美譽的鮟鱇魚肝口感嫩滑味道濃郁，配襯了酸汁啫喱味道非常相夾這軍艦真的不容錯過。刺身選上了三文魚、帆立貝及是日白身魚劍魚腩，當中劍魚腩的肉質很細膩口感嫩滑又厚實味道好出色。炸物只選了芝士年糕來品嚐！炸得金黃不油膩內裏藏著滿滿的鹹香芝士怪好吃耶。們點吃Level 5可額外加$100升級至無限品嚐日本宮城縣產仙台A5霜降黑毛和牛，看那擁有迷人雪花的肉眼和西冷好友口水已經爆流了！而牛肉總共有10款不同的供選擇牛魔王真的萬勿錯過啊。而我則可以無限享用日本北海道特選豚肉及日本櫻姬雞，兩款肉的質素也不是省油燈好正喔。率先額外加$10/位品嚐關東風的壽喜燒！先將牛脂肪放入熱騰騰的鐵鍋中再煎香京蔥，然後在鍋中傾入由米芝蓮星廚長本輝彥先生特別設計的秘製壽喜燒醬汁，此刻香氣四溢充斥餐廳之中好誘人。貼心好友第一轉先給我享用日本豚肉及櫻姬雞！將雞肉下鍋以壽喜燒汁煮至熟透，雞件吃下嚼勁十足肉質非常鮮嫩，加上香甜的壽喜燒汁味道很是吸引。然後再品嚐這日本北海道特選豚肉！肥瘦均稱的豚肉煮熟後入口充滿彈性，幽幽的肉香隨之爆發極之美味。終於到好友品嚐他的靚和牛時刻！肉色粉嫩雪花迷人的肉眼肯定俘虜到他的心，皆因嘴刁的他邊吃邊讚牛肉口感非常香軟而且肉味香濃。我們品嚐過壽喜燒後這一刻要攻陷涮涮鍋喇！吃之前當然要去混過靚醬先，蔥、蒜、辣椒這些調味料應有盡有多重口味也照顧得到。餐點的海鮮有四款選擇包括有日本廣島蠔、松葉蟹、日本帆立貝及日本有殼鮑魚，可以滿足喜歡吃海鮮朋友的嘴巴。而涮涮鍋有四款湯底可供選擇！當中包括有美人鍋、麻辣鍋、番茄鍋及我們選的鰹魚昆布鍋，多心的朋友更可加$10/位選上鴛鴦鍋來品嚐。而我就極度喜歡這兒有大量蔬菜供應！不過這夜最吸引我的是沖繩午餐肉，有口感的午餐肉竟然吃到陣陣豬肉的香味，絕非我們一般吃到午餐肉的味道好有趣。一輪美味混戰之後已經飽到一個點了！但這兒的甜品真的非常吸引唯有好好打開我的甜胃來品嚐，首先見到這部自助的棉花糖機！平時吃得多自己動手弄真是第一次！絕對是非常好的甜蜜體驗。另外超推介喜歡吃雪糕的朋友品嚐任吃的百味堂軟雪糕，口感香滑味道甜美的朱古力雲呢拿鴛鴦雪糕好吃得太魔鬼了。最後大家必定要留肚品嚐Level 4~5專屬任吃的招牌梳乎厘班戟！用上日本雞蛋、日本麵粉和日本牛奶即叫即製，Pancake超梳乎蛋味亦香濃配襯牛油和忌廉共嚐口感很治癒。我還是第一次品嚐這麼高質素的日式放題！價錢比一般放題略高但質素比很多酒店的自助餐更優質，這間Nikusa肉佐絕對會是我口袋中回頭率高的餐廳。
continue reading
最近位於登龍街的Midtown新開一家壽喜燒放題除了有壽喜燒，還有多種鍋底和壽司，全部都是放題任吃，趁happy friday和朋友過來試試餐廳提供不同價錢的放題由$228至$598不等，豐儉由人～這次就想吃最貴的套餐，$598包含115品食物的套餐並額外加$100，升級吃A5霜降黑毛和牛說實話和牛真的很好吃，肉味濃厚、油脂味道夠香！來的朋友一定要多吃點！以下就分享一下比較有特色的必吃單品😋《日本和牛》‣ 山形縣藏王和牛 (上肉/赤身)‣ 宮城縣產仙台A5霜降黑毛和牛 (西冷/肉眼/赤身)《壽司》‣ 藍鰭吞拿魚壽司‣ 炙燒和牛壽司‣ 大拖羅/中拖羅《刺身》‣ 三文魚‣ 松葉蟹‣ 帆立貝《甜品》‣ 日式梳乎厘‣ 日式軟雪糕‣ 焦糖布丁/抹茶奶凍💭 C͟o͟n͟c͟l͟u͟s͟i͟o͟n͟市面上提供壽喜燒燒肉+火鍋餐廳並不多而且還是走放題路線的，真的買少見少😙餐廳很多種食物味道都不錯，夠新鮮值得推薦個大家試試🤩💰Total: $1436 ($718pp 新張期內免10%服務費)📍NIKUSA肉佐銅鑼灣金朝陽中心 2期 Midtown 8樓 🚩更多同類餐廳 #foodstep_日本菜 🚩更多同區餐廳 #foodstep_銅鑼灣 ⊂ 喜歡我的分享就收藏、點讚、關注吧❤️⊃📣想看更多美食推介 ☞ Follow @ourfoodstephk_
continue reading
最近做左件好耐無做既事 - 食放題！當然，我所揀選的地方，肯定有番咁上下質素，絕對唔會係填肚既貨色。呢間新開的肉佐，主打壽喜燒 + 涮涮鍋放題，同坊間大部份的放題店的玩法大同小異，都係有分級數，吃不同的東西。簡單說，劃分左五級，頭嗰三級係食九十分鐘，牛肉是美國貨。以我既性格，一係唔食，要食就食好啲，所以就要左最高層次的第五級，三小時任食，有齊最靚既A5和牛，同埋海鮮、壽司及刺身。先會送來每人一份的壽司，包括有和牛與及大中拖羅，估佢唔到放題店可以食到如斯高質的壽司。一份唔夠喉既話，仲可以QR Code再自行下單，都係食到你夠為止。另外都點了些刺身，又帆立貝又三文魚等等，當中的劍魚爽身好食，最為出色。一些前菜小食，菜蔬及丸類，同埋飲品，都係外面自己拎。吃罷刺身壽司，就出去兜個圈睇定有咩心水。好了，還是留肚吃壽喜燒及涮涮鍋最為實際。先以壽喜燒形式，各式肉類如豬牛以雞吸收了壽喜燒汁的甜味，都吃得過。牛肉一於食最靚的，仙台A5霜降黑毛和牛肉眼，看雪花紋理都深知是頂級貨色，不論是壽喜燒，抑或係涮涮鍋的吃法，都是入口溶化的絕等美味。山形縣的藏王和牛上肉，都唔講得笑，不讓仙台牛專美。海鮮嚟講，都有松葉蟹、帆立貝、鮑魚以及蠔等，唔係只得肉類既選擇架！飽左大半，有人仲拎沖繩午餐肉回來烚烚下，我就食少少菜蔬，心理上平衡下，之後再向甜品進發。其中一款我認為必食的甜品，係梳乎厘班戟，因為要30分鐘時間製作，建議大家預早少少以QR Code落單。其實，在放題店食到呢個鬆軟的班戟，真係好難得。最後食埋百味堂既雪糕，想唔捧住個大肚腩回家都好難。
continue reading
【 超高質和牛壽喜燒放題店 】🩷母親節當然要好好獎勵一下自己啦！今日約埋媽咪妹妹一齊去銅鑼灣「NIKUSA 肉佐」食超高質黑毛和牛，仲要係任食，真係勁正呀！🥩我哋點了餐廳最推介的Level 5 套餐，可以係180分鐘時間內任食日本山形縣產藏王牛上肉及赤身肉、澳洲和牛牛舌、日本廣島蠔、雪場蟹、帆立貝、藍鯨吞拿魚壽司、白身魚刺身和三文魚刺身等等。🍣仲有可以享用高質壽司拼盤一份，包括: 大拖羅/中拖羅、赤身、季節魚、鯛魚、炙燒和牛、三文魚腩壽司各一件。係新張期內，仲可免費獲贈龍蝦刺身1隻，龍蝦刺身勁爽口呀！🍅「肉佐」的關東風壽喜燒配秘製招牌壽喜燒醬汁，令和牛份外甘甜香口，入口即溶，令人食完一塊又一塊。食到咁上下仲可以轉換以涮涮鍋嘅方式再嘆美食，有4款湯底選擇 : 鰹魚昆布鍋、美人鍋、麻辣鍋及番茄鍋。🍨最後當然要食甜品啦！NIKUSA 肉佐 現場有即製心機日本梳乎厘Pancake，級別4和級別5嘅客人就可以享用，超好味，會食唔停口呀！仲有多款日式甜品 : 焦糖燉蛋布甸、日式水果果凍、抹茶奶凍及日本蕨餅等，全部都可以供任何級別嘅食客無限追加品嚐。🎑「NIKUSA 肉佐」室內環境舒服，係日本居酒屋設計風格，有悠閑雅座 ，也有7間精心設計嘅私人包廂房，可以享受高隱私度嘅用餐體驗，有小朋友都唔怕嘈到隔離啦！💕呢餐真係勁豐富，食得好滿足，下次帶埋屋企人一齊再去品嘗！⭐️NIKUSA 肉佐📍地址 : 銅鑼灣登龍街一號金朝陽中心二期 Midtown 8樓
continue reading
壽喜燒放題幾好玩又食！啲牛出品唔錯，有得揀瘦嘅和牛肉，又有得揀肥嘅和牛肉，至少食咗廿幾碟，應該回左本！壽喜燒食到咁上下，可以加埋啲湯入去打邊爐，感覺幾好，可以有另一個食法，另外佢出邊都有個自助吧，同其他放題差差唔多，款式都幾多下，另外佢有個關東煮食咗一舊都幾好食，唔錯唔錯👍👍👍仲有壽司任食，食咗好少留返啲quota食和牛四個人去仲有龍蝦刺身送唔錯唔錯！ 最尾食埋個疏乎厘甜品，我坐喺壽司吧出邊見住佢即製，夠晒有心😆😆😆😆同出邊普通放題有少少唔同感覺高級少少坐低又舒服我去嗰陣，唔算多人環境比較清靜幾好feel！絕對可以返轉頭食多幾次！🤤🤤🤤🤤
continue reading