鬼金棒

Open Now

Now Closed

呢間位於世貿附近既拉麵店相信都唔需要介紹😎，門口就有枝鬼金棒好易認。見朋友幾推薦呢間既拉麵，今日準時放工一於去試下。去到未到7點，唔使等位，食完出黎就排晒長龍😱。位置雖然唔算大，但紙巾、水呢啲都有提供，仲有埋圍裙，好貼心😍。🔅增量叉燒x2 辣麻味噌拉麵 ($135+$15味玉)揀左中辣小麻，唔好睇個湯咁深色，其實啱啱好😝，係日式既辣度同麻度😝。叉燒肥瘦相間，比例啱啱好，比普通叉燒厚好多但好入味👍🏻。麵條偏粗硬身，份量仲好多，正常女仔食量係食唔晒🙈。🔅辣麻味噌沾麵 ($100+$15味玉)呢碗朋友叫左揀左小辣無麻，佢仲怕好辣所以無撈晒啲辣粉😝，可以自己再調較下辣度。沾麵濃而不膩，唔係得個鹹字😎。沾麵既麵最緊要夠掛湯，呢間都唔錯👍🏻，又夠爽口彈牙。味玉好香蛋味，流心好正🤤。🔅無糖可樂 ($15)💬拉麵同沾麵都幾滿意，如果有埋餃子、炸物呢啲小食就好啦🥺。