Abbraccio

作為中西區最前衛既「Abbraccio」，裡面有一個金光燦爛既大型酒櫃，外面有一個露台，對外就係繁忙既中環鬧市，夜光美景盡收眼底，有d野唔洗多講，埋牙坐底，野食一上枱就見真章，果然係臥虎藏龍，好有驚喜！👇🏻📌P I Z Z E - ▪️ T o n n o - $198▫️ 第一件事一定要整返個招牌Pizza「吞拿魚甜洋蔥意大利薄餅」，呢個size有六大塊，絕對夠2-3人食，外皮夠厚身，口感煙煙韌韌，咬開裡面滿滿既意大利DOP認證水牛奶製Mozzarella，同埋自家製蕃茄汁，夠哂惹味；面頭仲有大量吞拿魚碎、洋蔥，新鮮牛至，真係好好食。📌P A S T A - ▪️ Salmone e Panna - $218▫️ 主食方面一定要試佢地手工製「三文魚意大利通心粉」，chef再用白酒、白蘭地煮過，所以上枱果陣已經好濃香入味，通心粉食落好有咬口，而煙三文魚亦有淡淡酒香，食唔到口！▪️ Alla Bolognese - $208▫️ 另一個「意式肉醬麵」又係必食，呢種經典意粉Spaguetti質感係好順滑，麵質爽彈，chef用上慢煮牛肉醬、高級巴馬臣芝士，難怪入口食到濃厚地道風味，值得一試。