鋿晶館

Open Now

Now Closed

【北區】【鋿晶館】呢排多咗經過上水，但又唔代表多咗喺上水食嘢。不過我作為一個八卦精，都會留意吓附近有咩餐廳啱自己食。而我喺上水匯就見到呢間「鋿晶館」，好似喺其他地方都見過有佢哋嘅分店，然而最令我關心嘅反而係個「鋿」字點讀，原來係讀個「常」音。呢個字可以解「磨」或者「車輪繞鐵」，都係未必咁用得著嘅字，用得呢個字睇落都似係高級中菜館。點知同真正哥去到試佢先知原來係一間經濟又實惠嘅中餐加茶記，非常有趣。首先試 $48 嘅「五香牛肚牛筋河」，濃香而不濃味，幾具質素，有啲料到。喺碗麵唔錯之下試埋飯，初初大家對呢個 $98 嘅「蒜香虎蝦蒸飯」感覺麻麻，點知一食先知好正，啲飯不但索到豉油汁味，仲有蝦嘅鮮味、蒜嘅香味同埋隱若有荷葉味，估唔到大家係秒清咗佢。其實唔止啲飯，啲蝦本身都好食，好新鮮，調埋蒜味更加惹味。試咗兩款中式嘢，試埋 $48 嘅「脆炸魚柳菠蘿包」就感受到啲茶記成份喺度喇。個包香甜軟熟，而炸魚柳亦都大大塊又熱辣辣，正。嘢飲方面我哋都係飲 $28 嘅「青檸梳打」，味道都濃香而生津解渴嘅，面頭仲有隻熊仔樣嘅冰等佢慢慢融化，咁樣二百零蚊唔貴吖。。。（地址：上水龍琛路48號上水匯2樓204A &