Cambo ขุนทอง (The ONE)

【油尖旺區】【Cambo ขุนทอง】我同春哥喺尖沙咀搵嘢食，佢今次話想食啲具質素嘅外國菜，咁就嚟 The ONE 四樓試呢間叫「Cambo ขุนทอง」嘅泰國菜啦。我哋坐喺餐廳「外面」嘅位，即係近商場走廊嘅位置，好似置身泰國嘅露天茶座咁，幾有趣，當然呢度就有冷氣㗎啦，哈哈。我哋先試「泰式青咖哩軟殼蟹鍋（配法包）」，佢個泰式青咖哩好正，濃味而又唔會得鋪死辣。軟殼蟹炸得香脆又好肉，加埋馬鈴薯一流呀。跟住試「串燒沙嗲雞牛豬配泰式炒飯」，幾串串燒各有特色，唔錯，而個泰式炒飯個味都幾特別，我哋都幾中意。咁樣當然唔夠喉，試埋「大蝦菠蘿焗飯」，真係成隻菠蘿好鬼大個咁裝啲炒飯，仲有菠蘿喺炒飯入面，而大蝦有三隻，都好味。嘢飲方面，春哥飲「咸檸七喜」，我飲「龍眼冰」，兩者都係各有特色嘅解渴良品。總括而言，呢間真係冇揀錯，係幾有質素嘅。。。（地址：尖沙咀彌敦道100號The ONE 4樓L403號舖）@cambo.theone#1amfoodie #foodie #hkfoodie #thatfoodiething #hkfood #food #instafood #yummy #foodlover #d