Video
Read full review
2022-10-31
681 views
韓劇入面真係不論男女都鍾意食炸雞飲啤酒，我同朋友都係受韓劇影響都鍾意食韓國炸雞🤣今次就同朋友黎到韓國炸雞連鎖店《李家》試下佢地既炸雞😆‣ 半半炸雞 ($188) (無骨+$10)半半炸雞其實係可以自選兩隻味道既炸雞，今次我同朋友就選擇左原味炸雞同埋甜辣炸雞～估唔到呢份炸雞咁大！粗略估計至少每隻味道有10舊炸雞🍗，相信4個人都share都夠食👍🏻炸雞表皮炸粉算薄，而且大小岩岩好，原味炸雞就食到炸個種脆脆口感；而甜辣醬都唔錯，稍微偏甜，辣度偏低，屬於幾易入口既味道💕尤其推薦大家叫無骨炸雞，啖啖肉真係正好多😍‣ 芝士辣雞炒年糕 ($178)呢份表面既芝士拉絲好澎湃🤩芝士底下有唔少韓國年糕、雞塊同埋洋蔥等配料，醬汁唔會好辣，食開10小辣朋友都覺得好易入口😛而年糕口感煙韌，唔錯👍🏻‣ 檸檬梳打($38) /西柚梳打 ($38) 兩杯梳打都好夠氣，味道唔會好甜，兩者比較個人鍾意檸檬梳打多d；食炸雞配一杯梳打都幾解膩😎‣ 酸蘿蔔/椰菜沙律 (free)一入座會送上兩份小食，食完都幾開胃，係蘿蔔稍微偏酸左d💭C͟o͟n͟c͟l͟u͟s͟i͟o͟n͟餐廳服務質素唔錯，食唔晒打包既食物會用錫紙包住食物先入盒，番到屋企拎出黎都
韓劇入面真係不論男女都鍾意食炸雞飲啤酒，我同朋友都係受韓劇影響都鍾意食韓國炸雞🤣今次就同朋友黎到韓國炸雞連鎖店《李家》試下佢地既炸雞😆
‣ 半半炸雞 ($188) (無骨+$10)
半半炸雞其實係可以自選兩隻味道既炸雞，今次我同朋友就選擇左原味炸雞同埋甜辣炸雞～估唔到呢份炸雞咁大！粗略估計至少每隻味道有10舊炸雞🍗，相信4個人都share都夠食👍🏻炸雞表皮炸粉算薄，而且大小岩岩好，原味炸雞就食到炸個種脆脆口感；而甜辣醬都唔錯，稍微偏甜，辣度偏低，屬於幾易入口既味道💕尤其推薦大家叫無骨炸雞，啖啖肉真係正好多😍
‣ 芝士辣雞炒年糕 ($178)
呢份表面既芝士拉絲好澎湃🤩芝士底下有唔少韓國年糕、雞塊同埋洋蔥等配料，醬汁唔會好辣，食開10小辣朋友都覺得好易入口😛而年糕口感煙韌，唔錯👍🏻
‣ 檸檬梳打($38) /西柚梳打 ($38)
兩杯梳打都好夠氣，味道唔會好甜，兩者比較個人鍾意檸檬梳打多d；食炸雞配一杯梳打都幾解膩😎
‣ 酸蘿蔔/椰菜沙律 (free)
一入座會送上兩份小食，食完都幾開胃，係蘿蔔稍微偏酸左d
💭C͟o͟n͟c͟l͟u͟s͟i͟o͟n͟
餐廳服務質素唔錯，食唔晒打包既食物會用錫紙包住食物先入盒，番到屋企拎出黎都比較乾淨企理，幾細心👍食物份量好大，多幾個人黎share感覺都幾抵食～
💰Total: $490 ($245/pp 已包括10%服務費)
📍李家炸雞｜@
荃灣海壩街16號地下 (到訪分店)
尖沙咀山林道54-56號利雅商業大廈地下2號舖
灣仔駱克道405-419華發大廈地下C舖
西灣河筲箕灣道180號1樓3號舖
大角咀埃華街75號地舖
🚩更多同類餐廳 #foodstep_韓國菜
🚩更多同區餐廳 #foodstep_荃灣 #foodstep_尖沙咀 #foodstep_灣仔 #foodstep_西灣河 #foodstep_大角咀
📣Like & Share & Follow @ourfoodstephk_
🙏🏻多謝你既支持，成為我努力分享既動力💪🏻
Post
