哈豆

Open Now

Now Closed

🍽️哈豆 (觀塘)📍觀塘駿業里6號富利工業大廈3樓A室1. 台灣牛肉湯麵🍜牛腱真係好軟淋，咬落去入口即化，好誇張。牛肉麵嘅質地有少少似粗身嘅上海麵，加埋佢哋熬製嘅牛肉湯底，真係絕配，老人家小朋友都好啱食。2. 逢甲鹹酥雞肉燥飯🐔鹹酥雞表面炸到金黃色好香脆，裏面嘅雞肉保存到好多肉汁，真係外脆內軟！加埋食台灣嘢必食嘅肉燥飯，真係好滿足。3. 胚芽豆漿🥛豆漿唔會太甜，加埋胚芽做底，有淡淡既胚芽而且飲落好有口感，超級推薦呢個豆漿。4. 團團牛奶花生🥜食台灣嘢又點可以唔叫芋圓呢！呢一款團團牛奶花生真係我至愛！紫薯同番薯芋圓，口感煙韌，而且味道好出，配埋我鍾意嘅牛奶花生做底，真係好圓滿。而且旁邊附上黑松露薯片，同朋友食完午餐，可以慢慢享受傾吓計，真係好寫意。💖P.S. 呢一間隱世工業大廈餐廳真係好值得推薦！環境超級有台灣氣息，果然係台灣人開嘅台式餐廳，特別有風味。員工都好殷勤，諗唔到食咩佢哋都會好識得推薦！而且餐廳裏邊仲有一隻店貓，見到佢真係好開心。呢間餐廳真係平靚正，一定會再返嚟食。