Video
Read full review
2010-05-18
36 views
師傅有兩位好友同係五月嘅壽星, 一位係大名鼎鼎嘅食神而另一位係好友食家"乜都放入窿", 為隆重其事飯局慶祝當然唔少得, 但搵地方依然係一個辣手嘅問題; 雖然好友食家"乜都放入窿"已處於半退隱狀態, 但對食野依然好有要求; 而另一位食神更是神級, 所以一定要準備充足, 令佢地有個滿意嘅飯局! 於是師傅又再一次揸莊, 由於師傅近期試過呢間食店, 覺得水準不錯, 於是就決定當晚以呢間食店為根據地!兩位壽星嘅號召力驚人, 一呼百應, 風采依然; 最後有成十四人報名出席飯局, 師傅一早就訂定枱, 但由於人數都幾多, 所以都要分開兩枱! 準時去到後, 見大部份人都到齊, 於是師傅就落單, 落單前師傅只係問左大家一句, “有冇人唔食喇?” 結果係有, 為顧及大眾著想, 所以就柯打左有辣有唔辣以供選擇!十四人飯局要預份量都幾難, 加上席間有幾位大食美少女, 冇錯係幾位, 所以就令師傅更難預算! 最後都唔理喇, 就一口氣柯打左韓式炒辣雞三客, 韓式豬手兩客, 燜牛肋骨兩客, 海鮮純豆腐湯四客, 石鍋牛肉湯兩客, 水冷麵兩客, 辣伴冷麵三客, 石頭鍋飯兩客, 韓式炒粉絲兩客, 再後加一隻醬油螃蟹!等左一陣
兩位壽星嘅號召力驚人, 一呼百應, 風采依然; 最後有成十四人報名出席飯局, 師傅一早就訂定枱, 但由於人數都幾多, 所以都要分開兩枱! 準時去到後, 見大部份人都到齊, 於是師傅就落單, 落單前師傅只係問左大家一句, “有冇人唔食喇?” 結果係有, 為顧及大眾著想, 所以就柯打左有辣有唔辣以供選擇!
十四人飯局要預份量都幾難, 加上席間有幾位大食美少女, 冇錯係幾位, 所以就令師傅更難預算! 最後都唔理喇, 就一口氣柯打左韓式炒辣雞三客, 韓式豬手兩客, 燜牛肋骨兩客, 海鮮純豆腐湯四客, 石鍋牛肉湯兩客, 水冷麵兩客, 辣伴冷麵三客, 石頭鍋飯兩客, 韓式炒粉絲兩客, 再後加一隻醬油螃蟹!
等左一陣就有得食, 最先登場當然係韓式前菜啦, 一放底喺師傅面前有九碟前菜, 九碟前菜有泡菜, 薯仔, 芽菜等等…… 前菜基本人係好可口, 冇味精, 但令師傅最欣賞莫過於泡菜, 泡菜少少酸中夾著香辣味, 而泡菜亦唔會太硬, 加上冇一種莓臭味, 入口舒服, 非常好味; 前菜過後, 第一道菜就登場係石頭鍋飯, 但師傅點都估唔到第一道菜會係石頭鍋飯, 一黎就食飯, 莫非叫人拿拿聲食飽飯好走? 石頭鍋飯熱辣辣, 雖然份量唔算大, 但每人試少少就最好, 不過是晚師傅冇食到, 但第一次食嘅感覺仍然記憶尤新, 石頭鍋飯十分乾身, 入口感覺勁爽, 加上香香脆脆, 配埋韓式辣醬真的非常好味, 而席間嘅食友們都對呢個石頭鍋飯讚不絕口!
接住落黎就講下韓式豬手, 韓式豬手大大隻, 而肉就片到好薄, 夾著肥膏一齊食, 入口 發覺豬手肉身甚為腍, 而肥膏亦非係甘香, 加上皮燒得啱啱好, 所以十分好味, 真係食得好過癮, 唯一可惜係膽固醇甚高, 唔係個個都夠膽攞命搏; 燜牛肋骨賣相一般, 但入口發覺肉身鬆軟, 牛味亦甚香, 都絕對唔差; 海鮮純豆腐湯係辣湯, 亦係師傅至愛之一, 湯底真係十分香辣, 但唔會死辣, 味道係極度惹味, 加上海鮮十分鮮甜, 皆因師傅試左一隻蝦, 發覺肉身爽口甜美, 煲完湯都仲咁好味, 你話勁唔勁先? 豆腐都煲到入晒味, 絕對係必食推介!
石鍋牛肉湯相對係一個唔辣嘅湯, 味道鮮甜, 牛肉勁多, 都不失為一款可口嘅湯, 但師傅始終係鍾情辣湯; 水冷麵同辣伴冷麵其實都係冷麵類, 水冷麵係有湯底, 辣伴冷麵係乾身, 水冷麵是次師傅冇食, 皆因淨係想食辣伴冷麵, 話明辣伴冷麵所以當然係凍食, 而碗內真係有幾舊冰, 入口係冰冰涼涼, 非常舒服, 而且麵身燒燒韌韌, 口感真係一流, 雖然碗內有其他配料, 但師傅淨係食呢個麵已經好滿足, 亦係師傅嘅必食推介之一!
韓式炒粉絲師傅覺得冇咩特別, 就係幾好味咁囉; 而醬油螃蟹係生蟹, 肉身十分鮮甜, 就連師傅一向唔鍾意生吃同食蟹嘅都有一試, 加上豉油香甜, 味道甚佳, 掂喎; 最後係韓式炒辣雞, 韓式炒辣雞嘅辣味係咁多道辣菜之中最辣的, 但偏偏師傅就最鍾意, 雞肉冇骨而且十分滑身, 辣椒膏嘅辣味亦十分香濃, 加個白飯一齊食真係絕配; 師傅認為係呢道菜係全店最好味同時亦係必食推介, 可惜是晚偏偏最遲登場, 不能吞下太多, 有少少意猶未盡!
總括黎講食物質素十分了得, 服務都友善, 價錢合理, 埋單每人兩百四, 仲係請埋兩位壽星, 加上食得好飽, 仲要食唔晒, 所以係抵食! 喺香港地能夠食到咁地道嘅韓國菜都唔係有太多間, 而有水準嘅更加唔多, 最重要係兩位壽星對是晚飯局亦十分滿意, 所以笑臉係一定要比, 而且肯定會再黎!
Post
