Café Crêpe (Wellington Street)

Open Now

Now Closed

講起crepe 通常都會諗起法國，但今次食呢間就係加拿大過江龍，佢地亞洲第一間分店座落中環，上個月lunch去都好多人去懲罰，lunch set包湯或沙律同飲品，餐湯係手打蘑菇湯，唔係金寶湯貨色，唔夠飽仲可加配甜crepe，不過以我地連個main都食唔哂，見隔離枱個Nutella crepe幾正咁，下次黎要試下！🍽St. Jacques 黑松露香煎帶子法式薄餅以前食鹹薄餅會用薄脆嘅galette，呢度就照用返crepe，薄餅煙韌有蛋香，因為即叫即做所以要等耐少少。呢個薄餅真係超足料！除左面頭兩塊好香牛油味嘅煎帶子外，切開後帶子粒多到滿瀉，唔駛擔心邊角位要齋食薄餅。醬汁好濃芝士味，無意粉嗰種cream sauce 咁膩，黑松露味就主要黎自面頭嘅松露醬，整體黎講好出色，如果可夾埋蘑菇等其他材料無咁單調就更好。🍽香煎龍脷柳魚柳朋友on diet叫左呢款，雖然唔係佢地嘅主打，但龍脷柳質素都幾好，個皮輕輕炸過，肉質嫩滑，配食到番茄蓉嘅茄醬、沙律菜同藜麥沙律。唯一要挑剔嘅就配菜同跟餐嘅沙律一模一樣，而且黑醋多左少少，如果叫呢款就跟餐湯啦。