鼎泰豐

Open Now

Now Closed

星期日，一家人去鼎泰豐食晏。服務不得不讚！所有員工都十萬個有禮貌！笑容可掬，很有禮貌。食物size 碟碟都較細，所以要叫好多先夠飽。干煸四季豆係前菜黎嘅，所以係凍食。第一次凍食干煸四季豆。四季豆好嫩，無渣。四季豆炸得夠乾身，加埋肉末又炒得好香口。擔擔麵自家手打麵條，幼度適中。麵質滑，煙韌彈牙。湯底麻醬味不重，麵頭有花生碎，不過就無肉末。蔥油拌麵麵條同擔擔麵的一樣。有韌度，彈牙，不會太淋。味道一般，蔥味唔夠濃香。蝦肉雲吞真係皮薄餡靚！但皮薄得黎唔會穿，又好滑。蝦好新鮮，有原隻鮮蝦；豬肉比例相對較少，無肥肉。小籠湯包配埋蛋絲湯一齊食。呢個食法都係第一次。一籠有十二隻，隻隻細細粒，一口一粒。由於本身size細，所以裡面都唔會有好多汁。皮薄餡都ok，每啖加埋蛋絲湯都好好味。蒸菜肉餃呢個真係好齋，因為菜多過肉。個皮厚度適中，唔算厚。餡料飽滿，菜新鮮爽口。小籠包由於齋食個小籠湯包唔夠喉，於是叫多個正常嘅小籠包。好多湯汁，皮薄，一咬即穿，湯汁一湧而出。湯汁無油，味道鮮甜。酸辣湯好多料，有荀絲、木耳絲、豆腐絲等。稀稠適中；味道一般啦，我覺得唔夠辣同唔夠酸。