Video
Read full review
2021-08-27
1552 views
最近深水埗區真係開咗好多文青店，版圖仲越來越闊，今日就去遠少少嘅長沙灣試吓呢間規模相對地大啲啲嘅Boholic扮吓文青打吓卡。一入門口已經有一個好靚嘅打卡位，最適合攞住杯咖啡偽文青一番。午市時間仲有午餐供應，價錢都唔算太貴。飲品方面都幾多選擇，最特別嘅係有泰式奶茶，仲有含酒精嘅飲品，另外甜品就當然唔少得啦！見到其中一個餐有牛扒又有蝦都只不過係$138 ，就一於試吓呢個香煎慢煮紐西蘭牛柳配琵琶蝦，紐西蘭牛柳經過慢煮之後肉質非常嫩滑，切開仍然粉嫩，而琵琶蝦經過烤焗後變得更香口，而且餐廳已經處理過琵琶蝦，所以簡單用刀叉已經可以起出蝦肉，非常貼心。至於配菜方面，就係一份大概1/8嘅椰菜，以我所見佢係將椰菜直接燒烤一下，都幾特別，而我就比較欣賞旁邊嘅南瓜蓉，夠哂creamy。另外朋友就揀咗16小時慢煮烤鴨脾配泰式酸梅醬，泰式酸梅醬令烤鴨脾變得更惹味，配菜方面除咗有另一碟都出現過嘅烤椰菜同南瓜蓉外，仲配有新薯粒，口感非常豐富。嚟cafe當然要叫杯咖啡，另外仲叫咗非常特色嘅泰式奶茶，午市跟餐就可以半價品嚐。Mocha拉花超靚，而且佢面頭嘅奶泡非常香滑，輕輕用嘴唇點一下，就能感受到佢嘅奶泡有幾細膩。冇
一入門口已經有一個好靚嘅打卡位，最適合攞住杯咖啡偽文青一番。
午市時間仲有午餐供應，價錢都唔算太貴。
飲品方面都幾多選擇，最特別嘅係有泰式奶茶，仲有含酒精嘅飲品，另外甜品就當然唔少得啦！
見到其中一個餐有牛扒又有蝦都只不過係$138 ，就一於試吓呢個香煎慢煮紐西蘭牛柳配琵琶蝦，紐西蘭牛柳經過慢煮之後肉質非常嫩滑，切開仍然粉嫩，而琵琶蝦經過烤焗後變得更香口，而且餐廳已經處理過琵琶蝦，所以簡單用刀叉已經可以起出蝦肉，非常貼心。至於配菜方面，就係一份大概1/8嘅椰菜，以我所見佢係將椰菜直接燒烤一下，都幾特別，而我就比較欣賞旁邊嘅南瓜蓉，夠哂creamy。
香煎慢煮紐西蘭牛柳配琵琶蝦
$138
57 views
0 likes
0 comments
嚟cafe當然要叫杯咖啡，另外仲叫咗非常特色嘅泰式奶茶，午市跟餐就可以半價品嚐。
Mocha拉花超靚，而且佢面頭嘅奶泡非常香滑，輕輕用嘴唇點一下，就能感受到佢嘅奶泡有幾細膩。
冇諗過喺Cafe都可以叫到泰式奶茶，而且佢仲加咗cream喺上面，呢個配搭好特別，無論味道定影相打卡都一流！
最後揀番個甜品，紅茶戚風蛋糕配無花果泡沫嘅蛋糕充滿淡淡的茶香，旁邊亦有無花果，整體配搭得宜。
紅茶戚風蛋糕配無花果泡沫
$58
9 views
0 likes
0 comments
Post
