焱丸水產

傳説中餐廳只要有「水產」二字，餐廳既海鮮有一定保證，而棉登徑既街尾有間焱丸水產，主打磯燒活水產，今日我同朋友驗證一下呢個「傳説」！餐廳裝潢同一般日本食店無異，裝潢以木系為主，加上暗黃既燈光，營造出舒適放鬆嘅氛圍。- 甲羅燒我哋叫咗蟹味增同黑松露兩款味道，滿滿既蟹膏非常吸引。前者鹹度適中，完全無腥味，不失鮮甜口感。後者賣相無咩特別，但我一靠近，黑松露香味撲鼻而來，味道更加濃郁。- 刺身5盛刺身包括鯛魚、油甘魚、三文魚、帶子同海膽。油甘魚充滿魚油香氣，三文魚亦好肥美，不過海膽無論顏色同味道都比較失色。- 鮑魚殻燒鮑魚煮得恰到好處，原汁原味，口感爽口而不失鮮味。由於帶殼燒既關係，鮑魚肉不會收縮得好緊要。- 唐揚八爪魚🐙唐揚炸雞食得多，唐揚八爪魚真係第一次食，炸得金黃香脆，入面帶嚼勁。- 松葉蟹膏帆立殼燒肥美既帆立貝，加上一大羹松葉蟹膏同雜菌，材料非常豐富，鮮甜無比，好味到連汁都飲哂🥰- 海膽帆立貝燒燒既時候見到牛油逐漸溶化🤤帆立貝仍然好新鮮肥美，可惜海膽比較苦，導致整體味道變得一般。- 北海道海鮮炒飯飯炒得好乾身，入面有大量配料，包括蝦、蜆、蟹籽、食完真係飽到上心口。另外仲叫左兩杯飲品，大大