韓松韓國料理 (Closed)

    本座大日子，皇上問太后想食乜?去邊慶祝??(皇上本來就不太浪漫)因上年聖誕節曾到首爾遠征，愛上了韓式料理，故此大日子也選擇韓宴作宮廷宴!六點半鐘已到達此店，店員態度散漫，指手指指指了二樓樓梯，示意本座上樓上(懶到咁)。樓上樓層較大，但只有一枱客，客人也是韓國人!!(心想，韓國人都黎，應該冇死!)等了約十五分鐘，皇上駕到，因皇上自出娘胎，已患嚴重之選擇恐懼症，故此點餐等粗重功夫，由本太座處理。    原先想點部隊鍋，但兩人真的吃不下，故此點了燒牛肋骨、牛肋湯、韓式炒粉絲及石頭鍋飯!!(應該飽死)牛肋骨果真是本店的推介食物，與一般的簾價韓燒店不同，兩條骨已經要$280，但肉汁 JUICY，而且店員會幫你燒香，果然係我地懶人最愛!之後黎既係石頭鍋飯，一鍋份量只供每人一碗，但沒有太大驚喜!韓式炒粉絲，與平價店的用料味道不相伯仲!就係田為太太太普通，相都唔記得影!最後是那鍋牛肋湯，淡而無味，可以不試!埋單五百幾，價錢尚算合理，但店員態度就.....，有很大進步空間!