Video
Read full review
2022-11-13
235 views
秋意漸濃，又係時候食d暖笠笠既野啦~朋友聽聞Outdark旺角分店重開，就提議去食邪惡熔岩芝士豬肋骨。依度食野限時90分鐘，我地拿拿林嗌咗芝士豬肋骨、半份香蒜蜜糖炸雞、士多啤梨乳酪牛奶同埋藍檸檬梳打。後來發現上菜算快，唔洗食得好趕。芝士豬肋骨連爐上芝士加熱成熔岩之後侍應就過黎幫我地用芝士捲住豬肋骨，同埋喺爐邊製作韓國雞蛋卷。豬肋骨煮到好腍、好易骨肉分離。水牛車打芝士本身唔會好重味，大pat大pat捲住豬肋骨再加上微辣醬汁之後味道就啱啱好。記住趁熱食呀，凍咗就會冇咁拉絲。韓國雞蛋卷有驚喜，本來以為只係求其整熟d蛋黎食，點知侍應好識控制火候，製作出好滑身既雞蛋卷。隔離既紫菜飯真係好多紫菜，而且充滿芝麻同油香。爐邊仲有泡菜、菠蘿粒可以refresh口腔。香蒜蜜糖炸雞外脆內嫩，甜味比蒜味重，符合大部分人既口味。周圍既薯格同薯塊脆脆地，薯條亦唔似快餐店又乾又硬嗰種，點埋附送既多款醬汁就更滋味。士多啤梨乳酪牛奶味道唔假，冇藥水味，飲落幼滑，不知不覺就飲曬~藍檸檬梳打底部喺攪勻前係閃閃發光既藍色，好似反射緊陽光既海洋，打卡一流，亦幾解渴。初頭都驚只係order豬肋骨同炸雞會有d滯同寡，但各種配菜令到
依度食野限時90分鐘，我地拿拿林嗌咗芝士豬肋骨、半份香蒜蜜糖炸雞、士多啤梨乳酪牛奶同埋藍檸檬梳打。後來發現上菜算快，唔洗食得好趕。
芝士豬肋骨連爐上
芝士豬肋骨
30 views
0 likes
0 comments
芝士加熱成熔岩之後侍應就過黎幫我地用芝士捲住豬肋骨，同埋喺爐邊製作韓國雞蛋卷。
芝士豬肋骨
13 views
0 likes
0 comments
豬肋骨煮到好腍、好易骨肉分離。水牛車打芝士本身唔會好重味，大pat大pat捲住豬肋骨再加上微辣醬汁之後味道就啱啱好。記住趁熱食呀，凍咗就會冇咁拉絲。
芝士豬肋骨
4 views
0 likes
0 comments
韓國雞蛋卷有驚喜，本來以為只係求其整熟d蛋黎食，點知侍應好識控制火候，製作出好滑身既雞蛋卷。隔離既紫菜飯真係好多紫菜，而且充滿芝麻同油香。爐邊仲有泡菜、菠蘿粒可以refresh口腔。
12 views
0 likes
0 comments
香蒜蜜糖炸雞外脆內嫩，甜味比蒜味重，符合大部分人既口味。周圍既薯格同薯塊脆脆地，薯條亦唔似快餐店又乾又硬嗰種，點埋附送既多款醬汁就更滋味。
12 views
0 likes
0 comments
士多啤梨乳酪牛奶味道唔假，冇藥水味，飲落幼滑，不知不覺就飲曬~
9 views
0 likes
0 comments
藍檸檬梳打底部喺攪勻前係閃閃發光既藍色，好似反射緊陽光既海洋，打卡一流，亦幾解渴。
10 views
0 likes
0 comments
初頭都驚只係order豬肋骨同炸雞會有d滯同寡，但各種配菜令到今餐好豐富！
Post
