Video
Read full review
2019-07-26
2955 views
屋企人鍾意食海鮮， 無論西式中式烹調方法都好捧場。 今日我哋去咗厚福街H8 食厦， 選擇太多 最後都係決定食海鮮袋。時間尚早， 晚飯時間仲未天黑， 餐廳有兩面玻璃 遠望尖沙咀景緻， 夠曬開揚光猛。船長沙律$78沙律菜爽脆清新， 賣相精美， 唔會淋上過量嘅沙律汁， 能夠品嚐各款沙律菜嘅原味。 主要味道來自佢 裏面的芝士， 分量唔多不過夠哂鹹香。椰子沙冰$58精做推廣嘅《椰子沙冰》 使用了金屬嘅杯盛載，持久冰凍。 味道稍甜， 椰子味裏面又帶啲雲呢拿味。😋😋店家推介嘅海鮮袋我哋揀咗basic （ 自選 三款海鮮）。餐廳更提供圍裙畀每位食客 預備和海鮮袋大戰。自覺唔會論盡想環保少少本人就冇用即棄圍裙。新款海鮮揀咗蝦，青口和鮑魚。 每款海鮮都有說明所提供嘅份量，件數。 店員先拿出成個充咗氣嘅海鮮袋， 仲會主動幫你影合照。 然後shake 吓 shake 吓再剪開佢。 揀咗嘅檸檬牛油醬汁平均地混合所有海鮮。 牛油醬汁中带少少檸檬嘅清香， 味道獨特， 唔會搶去海鮮嘅鮮味。 鮑魚肉質非常軟熟， 青口亦好嫩滑多汁， 蝦则較為細隻。每個海鮮袋都包括基本材料：有薯仔，肉腸和粟米， 混合佢嘅特製醬汁非常滋味可
屋企人鍾意食海鮮， 無論西式中式烹調方法都好捧場。 今日我哋去咗厚福街H8 食厦， 選擇太多 最後都係決定食海鮮袋。
時間尚早， 晚飯時間仲未天黑， 餐廳有兩面玻璃 遠望尖沙咀景緻， 夠曬開揚光猛。
船長沙律
50 views
0 likes
0 comments
船長沙律$78
沙律菜爽脆清新， 賣相精美， 唔會淋上過量嘅沙律汁， 能夠品嚐各款沙律菜嘅原味。 主要味道來自佢 裏面的芝士， 分量唔多不過夠哂鹹香。
椰子沙冰$58
精做推廣嘅《椰子沙冰》 使用了金屬嘅杯盛載，持久冰凍。 味道稍甜， 椰子味裏面又帶啲雲呢拿味。😋😋
店家推介嘅海鮮袋我哋揀咗basic （ 自選 三款海鮮）。
餐廳更提供圍裙畀每位食客 預備和海鮮袋大戰。
自覺唔會論盡想環保少少本人就冇用即棄圍裙。
新款海鮮揀咗蝦，青口和鮑魚。 每款海鮮都有說明所提供嘅份量，件數。 店員先拿出成個充咗氣嘅海鮮袋， 仲會主動幫你影合照。 然後shake 吓 shake 吓再剪開佢。 揀咗嘅檸檬牛油醬汁平均地混合所有海鮮。 牛油醬汁中带少少檸檬嘅清香， 味道獨特， 唔會搶去海鮮嘅鮮味。 鮑魚肉質非常軟熟， 青口亦好嫩滑多汁， 蝦则較為細隻。
每個海鮮袋都包括基本材料：有薯仔，肉腸和粟米， 混合佢嘅特製醬汁非常滋味可口，唔覺唔覺我哋都全部清曬！
蟹餅
53 views
0 likes
0 comments
蟹餅$98
真材實料的蟹餅， 裏面冇混雜其他薯仔，洋蔥或者麵粉嘅材料， 目測全部都係一絲絲嘅蟹肉， 非常美味， 外皮亦奕煎得香脆， 果然係船長推介項目！
帶子意粉
28 views
0 likes
0 comments
帶子意粉
38 views
1 likes
0 comments
帶子意粉$155
香氣撲鼻，賣相了得！ 大大隻嘅帶子， 外皮煎到好香口， 肉質啱啱熟，彈牙鮮甜！❤️ 意粉嘅軟硬度啱啱好， 紅色嘅醬汁有濃香嘅鮮茄肉醬味， 少少酸中和番飽滯感。
各種食物，賣相，味道相當唔錯， 唔係只得大堆頭作賣點。😉
Post
