Video
Read full review
2017-10-14
294 views
呢日放工之後約左朋友睇戲，成九點先開始，所以可以食個長啲既晚餐～ 係朗豪坊睇，就揀左間就腳既放題 — 番本！其實果陣係係openrice睇附近有咩有位既放題既，上到去先發覺之前同過朋友黎番本！不過上次人比較多，叫野食冇咁方便，今次得兩個人就易啲就喇！😊番本最出名就係佢個蒸氣火鍋！我地當然都有要啦～我地叫左呢啲餸食個蒸氣火鍋～見到出煙就放落去，等佢哋熟既時候就可以食啲前菜、刺身、壽司先啦～辣味螺肉辣味幾入，唔會話得個汁有辣味，螺肉又冇！唔會話un到咬唔到，但又彈牙有口感👍前菜其實仲叫左蟹子沙律，但唔記得影相，好好味，青瓜好新鮮！芥末蜜糖三文魚卷海鰻芝士卷香芒黃金大蝦卷三色花之戀火炙芝士玉子壽司黑松露鯛魚壽司柚子胡椒針魚壽司食食下，蒸氣火鍋啲野食都差唔多熟嚕～同打邊爐好唔同既地方係，蒸氣火鍋你係唔會知道佢幾時先叫做熟，食既時候都有啲擔心未夠熟haha特別想講既係個冬菇～大不特止，本身覺得會好乾，但一咬落去，啲汁出曬黎～雖然冇調味，但就可以食到好重既菇味！另外個雞肉，本身覺得好似好老咁（圖果舊係啱啱放落去！），但整得啱啱好，肉好滑～鹽燒鯖魚、芝士蟹子燒帆立貝食日本嘢一定會叫鯖魚！ 呢度整得好
係朗豪坊睇，就揀左間就腳既放題 — 番本！
其實果陣係係openrice睇附近有咩有位既放題既，上到去先發覺之前同過朋友黎番本！不過上次人比較多，叫野食冇咁方便，今次得兩個人就易啲就喇！😊
蒸氣火鍋
14 views
0 likes
0 comments
我地叫左呢啲餸食個蒸氣火鍋～見到出煙就放落去，等佢哋熟既時候就可以食啲前菜、刺身、壽司先啦～
辣味螺肉辣味幾入，唔會話得個汁有辣味，螺肉又冇！
唔會話un到咬唔到，但又彈牙有口感👍
前菜其實仲叫左蟹子沙律，但唔記得影相，好好味，青瓜好新鮮！
卷物、壽司
12 views
0 likes
0 comments
海鰻芝士卷
香芒黃金大蝦卷
三色花之戀
火炙芝士玉子壽司
黑松露鯛魚壽司
柚子胡椒針魚壽司
食食下，蒸氣火鍋啲野食都差唔多熟嚕～同打邊爐好唔同既地方係，蒸氣火鍋你係唔會知道佢幾時先叫做熟，食既時候都有啲擔心未夠熟haha
特別想講既係個冬菇～大不特止，本身覺得會好乾，但一咬落去，啲汁出曬黎～
雖然冇調味，但就可以食到好重既菇味！
另外個雞肉，本身覺得好似好老咁（圖果舊係啱啱放落去！），但整得啱啱好，肉好滑～
鹽燒鯖魚、芝士蟹子燒帆立貝
10 views
0 likes
0 comments
食日本嘢一定會叫鯖魚！
呢度整得好入味，加埋檸檬汁更加帶出魚味！
魚肉唔會太熟 好硬咁～
細細舊啱1-2個人食，但如果多啲人share既話就要叫多幾份／叫埋其他魚喇～
鹽燒黑豚肉串、鹽燒雞中翼
8 views
0 likes
0 comments
係其他放題度都冇見過有黑豚肉串，就試下佢啦！
好好味！黑豚肉唔係好瘦，反而係半肥瘦，啲脂肪令到成舊肉好香！
而雞翼都燒得好香！
日式炸芝士年糕、糖心蕃薯天婦羅
5 views
0 likes
0 comments
跟住就到炸物勒！
日式炸芝士年糕入面有熱熱既芝士，出面又脆，口感好正！
糖心蕃薯天婦羅就啱曬鍾意食蕃薯既朋友！細細舊咁，食多啲都唔會濟！
牛油炒粟米
12 views
0 likes
0 comments
跟住就到我最鍾意既粟米喇！！
其實都冇咩特別，度度既粟米都一樣，純粹我太鍾意食粟米所以一定要post😂😂
不過我會prefer整條／半條粟米直接燒多啲，可以一粒粒咁咬出黎正啲
紅酒牛腩呢個牛腩燴得好入味，啲肉又淋。
紅酒味唔算出，啱我呢啲唔係好好酒味嘅人～
仲有兩大舊蘿蔔！正
雪花肥牛烏冬
12 views
0 likes
0 comments
不過不失嘅烏冬～
好足料，比咗好多塊牛
芒果布甸、360奶凍、雀巢雪糕
13 views
0 likes
0 comments
雖然食得好飽，但都係好想食甜品。
特別想講嘅係個奶凍，因為我好鍾意食奶凍嘅～
呢度嘅奶凍嘅奶味好重，又唔會過甜 ，不過就係硬咗少少，如果軟返啲會更加好！！
呢度既甜品唔算多，但有芒果布甸、360奶凍呢啲都叫做夠誠意～我自己就好鍾意食雪米糍既，所以就覺得呢度既味道比較少～
另外飲品選擇都好多！！👍
overall黎講，呢度食物種類幾多，味道都好好～
鋪面乾淨，侍應手腳又夠快～
地方就腳，價錢又公道～
大家都不妨試下佢既蒸氣火鍋呀
下面放翻menu：
Post
