牛大人台灣火鍋吃到飽 (King Wah Centre)

Open Now

Now Closed

終於可以食到好出名嘅「牛大人」，我哋食頭一輪5:00就入座，因為19:30前離座平啲，揀咗澳洲極上和牛套餐，個餐有九款唔同嘅牛肉片揀，仲有豬肉、雞肉、魚、海鮮同小食等。我哋叫咗「牛大人紅燒排骨煱」湯底，個湯好甜，唔辣，好足料。用電子掃code 落單，好方便，上嘢食嘅速度好快，當中我最推介以下幾種：澳洲M9和牛牛丸好爽口彈牙，好有濃郁牛味，多汁，一定要試。澳洲和牛M5牛肩卷有手掌咁大塊，薄薄地，放落水度拖兩下就即刻食得，重牛味，脂肪比例適中。安格斯牛小排我喜歡這個脂肪比例多一點，食落好滑身，有入口即溶嘅感覺，極度推薦。蟹籽墨汁漿好特別嘅食材，超級彈牙，加上蟹籽嘅質感，口感層次好分明。牛媽秘製滷牛筋非常冧同入味，濃郁嘅滷水，帶出牛味，入口即溶，一試愛上。其他牛肚同湯底嘅材料都好正，最後仲有雪糕甜品送。飲品都有好多水腫嘅選擇，我最鍾意係桂花烏龍茶。出邊仲有個自助區，有唔同嘅蔬菜、麵食、丸類，當中最特別嘅係竟然有牛柏葉同埋魷魚，兩樣都唔會韌，好冧身。醬汁方面，都有好多唔同選擇，當中我覺得最特別嘅係洋蔥牛肉醬，配搭牛肉食，可以更加帶出牛嘅鮮甜味。