哈豆

Open Now

Now Closed

一入門口，就聽到台灣式既歡迎光臨💛部分店員應該係台灣人，講國語的。鮮梅豬排滷肉飯$68 佢塊豬扒好大塊，雖然豬扒上面冇加味粉，但醃得夠入味，所以皮脆多肉汁。滷肉飯上面唔係肉碎，而係一塊塊既豬肉，汁好足夠，撈埋飯食好好味。台式麻油雞湯麵線 $68佢個麻油味一上枱就聞到，好香，而且佢麵線🍜分開上，可以俾你飲一啖雞湯先，飲落似冇落到味精，雞都燉得好滑。炸物拼盤 $49款式都幾多，有鹽酥雞，香腸，🍤卷，丸子及蕃薯條，味道都唔錯，炸蕃薯條上有甘梅粉，酸酸地入口，幾好味。🧋跟餐叫飲品可以每杯-$10阿華田豆漿 $32佢個阿華田雪條係自製，上枱時，服務員介紹係飲左幾啖豆漿先，之後先將雪條放入去。等佢溶哂之後，攪勻佢，就係阿華田豆漿啦，幾特別。鮮榨🍋椰果多多 $32幾開胃，配埋炸野食，岩岩好，仲可以解濟。