日月堂

Open Now

Now Closed

今日同大少小妹喺觀塘工廈行街，添置母嬰用品，行到攰又係時候搵嘢食，上網search到附近依間店都有幾多like,一於近近地行過去食嘢。上到去發現小店好有台灣風味，牆身有老街插畫，又掛住咗啲菜式嘅小木牌響牆上，幫我轉台灣嘅音樂，好有回到台灣嘅氣氛。清燉半筋半肉麵湯底清甜，牛肉夠腍，舊筋入口即溶，麵質夠闊又彈牙，正~家鄉水餃水餃皮薄饀多，味道清淡不濃味，唔需要太多調味，都好好食！台灣香腸切開一片片，食落好方便，加埋調味粉，味道又提升一層次。仙草芋圓芋圓有三隻味，三隻都好彈牙，仙草有淡淡青草香，配合埋好清新，又美味！熱黑糖珍珠鮮奶呢杯嘢飲份量多，黑糖好多，黑糖味濃郁，鮮奶又熱又滑，剛剛秋風起，飲落好暖胃。凍金桔檸檬紅茶杯嘢飲好大杯，走都飲唔晒，飲落唔太甜，清新又解渴。