Video
Read full review
2024-01-07
262 views
係睇Foodiegogooo推介先去食 好後悔無睇多啲平台同問埋friend 先去食 真係好惡劣 亦令我咁多年第一次要喺open rice 寫食評 話比大家知道我感覺 大家可以參考下 諗清楚先去食 我同另一半係食1680 第二位半價 服務費無得折 total 3000左右嘅set 一入去個感覺已經好差有個好似啤酒妹咁嘅侍應接應帶位我留左係慶祝生日嘅佢仲喺我同另一半面前講問我要1xxx1xxx定1680餐其實我想講每個餐都有名 你可以唔洗講價錢出黎 一啲都唔識做坐低一陣我地未食完第一樣野 見個師傅已經整左第二第三樣野放晒喺師傅個位 只係差拎到我地前面 唉 感覺即刻好唔新鮮 蒸蛋唔係熱 只係暖暖地 食到白子已經唔想食 係魚嘅精囊 可能我唔識得欣賞 亦無仔細睇過個menu 但我食咁多次omakase 都係第一次食 覺得比較偏門 texture 都唔大眾化 滑脫脫冇咩味 勸大家諗清楚食到銀鱈魚 係超級失望 好腥..個餐當中仲有帶子 佢用紫菜包住帶子俾我哋用手食 但基於衛生問題 我哋用筷子接咗 啤酒妹侍應轉頭就入吧枱同師傅喺度細聲講大聲笑 話我哋乜乜乜 我地覺得好冇禮貌 但都忍 佢仲要成日行入廚
我同另一半係食1680 第二位半價 服務費無得折 total 3000左右嘅set
一入去個感覺已經好差
有個好似啤酒妹咁嘅侍應接應帶位
我留左係慶祝生日嘅
佢仲喺我同另一半面前講問我要
1xxx
1xxx
定1680餐
其實我想講每個餐都有名 你可以唔洗講價錢出黎
一啲都唔識做
坐低一陣我地未食完第一樣野 見個師傅已經整左第二第三樣野放晒喺師傅個位 只係差拎到我地前面 唉 感覺即刻好唔新鮮
蒸蛋唔係熱 只係暖暖地 食到白子已經唔想食 係魚嘅精囊 可能我唔識得欣賞 亦無仔細睇過個menu 但我食咁多次omakase 都係第一次食 覺得比較偏門 texture 都唔大眾化 滑脫脫冇咩味 勸大家諗清楚
食到銀鱈魚 係超級失望 好腥..
個餐當中仲有帶子 佢用紫菜包住帶子俾我哋用手食 但基於衛生問題 我哋用筷子接咗 啤酒妹侍應轉頭就入吧枱同師傅喺度細聲講大聲笑 話我哋乜乜乜 我地覺得好冇禮貌 但都忍 佢仲要成日行入廚房(廚房喺壽司枱嘅後面 即係要不停喺我哋面前進出廚房) 中途行路都會好大聲 躂躂躂咁 又會發出聲響jip jip聲 仲會喺師傅準備緊嘢食俾我哋嘅時候 不停同師傅講嘢 完全冇omakase 應該要比顧客好專業專心準備食材嘅感覺
之後師傅用火槍燒魚甩左手 火槍跌左落地 佢用抹壽司枱(即係準備食材)塊布抹一抹個火槍身 繼續整件壽司比我地.. 再用手放喺我地面前 我哋其實猶豫左一陣食唔食好..之後佢先去用水沖一沖塊布同手 大概只有5秒左右..完全洗唔乾淨 就繼續用手同塊布整嘢食同抹枱..
基於禮貌 我地都繼續食.. 諗番轉頭真係唔應該忍要即刻同佢講..
同一個侍應加水茶嘅時候 隻手袖仲hi 到我食野對筷子頭..唉
師傅喺入面洗完毛巾 啲水仲Fing 出黎整到我另一半 應該係唔小心嘅 但真係接受唔到..
同時間兩個師傅都要準備嘢食比唔同嘅顧客 我哋個師傅比較靜 另一個師傅就好大聲同其他顧客講嘢其實我覺得好嘈 完全唔可以專心欣賞食物 我覺得同顧客有適當嘅交流係一件好事但係都要照顧其他食客 其他地方omakase都唔會咁樣..
環境方面 最深刻就係除咗我哋同隔離嗰台 其實成間餐廳都冇人.. 播歌有韓文歌超級舊嘅英文歌就係冇日文歌.. 仲會無啦啦轉歌 我會形容係成間餐廳都好古怪嘅感覺..
坦白講 啲野就無好好食.. 而其實咁嘅服務態度同咁嘅環境之下我哋都冇得好好enjoy啲食物
我哋俾咗錢走嘅時候有同返個師傅覺得佢咁樣處理食材(火槍事件) 唔係咁好 諗住叫做提一提佢 希望佢以後對其他顧客嘅時候留意一下 佢淨係講咗一聲好 完全唔覺得唔好意思..
最後俾大家睇吓慶祝生日嗰碟甜品..
奉勸大家去食嘅話三思
個人來講以後都唔會偷懶, 會睇OpenRice詳細食評 估唔到偷懶一次信咗IG 就中大伏
3000蚊我當買個教訓..
2 views
0 likes
0 comments
Post
