阿爸鮮食

Open Now

Now Closed

一間好受歡迎嘅小店，平日午飯時間真係好多人！建議預先落定order， 就會好好多。用app或者店鋪自家既QR code都可以預先落地order,咁就可以省卻等候時間😊本身想試佢嘅涼拌麵同小食，可惜佢真係太受歡迎喇！1pm嚟到已經買曬！如果想食唯有再早啲。麵食方面，佢可以剔紙仔自由選擇揀食物，選擇超級豐富！不過為求爽快，極速就點佢嘅套餐。🥢小丸子套餐套餐可以試曬佢啲丸，包括:墨汁墨丸、陳皮魚蛋、新加坡白魚蛋、鮮肉包心丸、北海章魚丸、胡椒豬肚丸、金沙鹹蛋黃金丸同黑椒牛丸。勁豐富！勁夠飽！其中大推金沙鹹蛋黃金丸，要小心啲食，因為會爆汁！🤣咸香超好食另外墨汁墨丸入面有好彈牙嘅墨魚粒，都係推介之選😋配搭上揀左鮮濃骨湯 ，好濃好飲！飲完成日都無好口乾。另外紅薯寬粉佢會另外包起，好細心精美既包裝。🥢牛魔王套餐 有肥牛、牛丸、金錢肚。揀左麻辣濃骨湯+菜底，菜底有好多菜心,配埋個麻辣湯真係好正！嗜辣必選！飲品有洛神花茶、蜜桃烏龍茶等等，健康美味，不錯👍湯底好濃好鮮甜！飲完暖笠笠🥰真係感覺好似有‘’阿爸” 罩住咁溫暖🥰📝記住Keep返張單，一個星期之內再嚟食嘅話可以減十蚊。