金鳳大餐廳 (D2 Place TWO)

Open Now

Now Closed

細細個第一次跟屋企人出去鋸扒，就係去山林道嘅金鳳，果時好出名。而且大大份，質素又高真係好食。依次過開嚟睇戲見到有分店，於是又試吓咩水準啦～但估唔到⋯質素可以相差咁遠😓是日餐湯餐包，尚算正常。特飲黑牛，正常朱古力雪糕+可樂味。主菜先係最大問題，已經唔係揀最平扒餐。但勢估唔到加錢叫貴d ，原來都係咁嘅質素⋯依次真係勁失望😞美國安格斯肉眼⭐️⭐️又韌又冇牛香，食幾啖女友已經放棄😓連切都有d難切開，依個價錢真係伏⋯除咗份量算幾大塊外，諗唔到有咩可取。美國牛小排⭐️⭐️⭐️⭐️肉味香濃，厚度適中，5成火喉剛好唔韌。算係乎合預期，對得住個價錢。可惜服務就真係麻麻⭐️⭐️可能晚市開始客多，叫幾次先有人落單。仲要一食完即刻催枱，想抖吓都唔得。