Outdark (Fee Tat Commercial Centre)

Open Now

Now Closed

睇返D舊相，先記得上個月食左間好野，要記錄一下。辣炒豬肉 $268記得響韓國食過呢個辣炒豬肉，原來香港都食得到！ 以韓辣醬醃過的爽脆豬肉片，加入大豆芽、韮菜同洋蔥等配料，真係愈炒愈惹味！豬肉好爽口，是韓式的甜辣醬，香多過辣，怕辣的朋友都可以試試。盤邊有菠蘿配菜，好清甜！在滿天星的裝飾下食飯，真係特別有氣氛架！粟米芝士煮到半溶就食得，邪惡的拉絲呀！海鮮煎餅 $118煎餅餅底脆脆地又軟綿綿的，口感一流。配料份量足，有魷魚、蝦仁、韮菜、辣椒絲等。煎餅點吓旁邊的特制醬油，更滋味，記得襯熱食呀！原味米酒 $105初試韓國米酒，甜甜地米味濃又好滑，酒精味唔算太嗆。不過真係好太碗，兩個人飲唔曬，三至四人分享都夠。