Video
Read full review
2019-03-09
396 views
之前聽人講呢間餐廳出左名就係食海鮮袋，一直都好想試一試，終於等到呢個機會啦！呢間餐廳位於厚福街8號H8 18樓全層，一打開lift門，店員已經熱情地招待。幸好有book檯，否則應該有排等。餐廳既面積唔算好大，不過簡簡單單既海洋裝修感覺給人感覺舒服自在，而玻璃外牆令人感覺開揚。甘荀忌廉湯叫左個是日餐湯，甘荀忌廉湯，甘荀味好濃，配以白麵包，都幾開胃。熱船長海鮮拼盤呢一餐既重點自然落係佢身上，可選擇3、5或8款海鮮及1款醬汁。我地2個人所以就揀左3款海鮮同檸檬牛油汁。除了海鮮外，仲有薯仔、腸仔同埋粟米加上檸檬牛油汁一同放係膠袋內搖勻。上台時，係一用藍色網圍繞著既膠袋，外表好特別，而店員會先幫我地影相留念，特別貼心。之後會即場幫忙手搖海鮮袋，令醬汁掛滿在每件海鮮上。膠袋打開之後，檸檬牛油既香氣立即撲鼻而來，令人好想嘗一嘗。我地叫左三款海鮮，分別係扇貝、翡翠螺同蜆。扇貝好大隻，肉大肥美，而肉質食落滑得來好彈牙。而翡翠螺肉既肉質煙煙韌韌而且有彈性，食既時候配以檸檬牛油汁，好好食。而蜆既份量也不少，本身既鮮甜即使配以檸檬牛油汁都掩蓋不了。而薯仔、腸仔同埋粟米已經吸收了檸檬牛油同埋海鮮的精華，食落變得
呢間餐廳位於厚福街8號H8 18樓全層，一打開lift門，店員已經熱情地招待。幸好有book檯，否則應該有排等。餐廳既面積唔算好大，不過簡簡單單既海洋裝修感覺給人感覺舒服自在，而玻璃外牆令人感覺開揚。
甘荀忌廉湯
叫左個是日餐湯，甘荀忌廉湯，甘荀味好濃，配以白麵包，都幾開胃。
熱船長海鮮拼盤
呢一餐既重點自然落係佢身上，可選擇3、5或8款海鮮及1款醬汁。我地2個人所以就揀左3款海鮮同檸檬牛油汁。除了海鮮外，仲有薯仔、腸仔同埋粟米加上檸檬牛油汁一同放係膠袋內搖勻。上台時，係一用藍色網圍繞著既膠袋，外表好特別，而店員會先幫我地影相留念，特別貼心。之後會即場幫忙手搖海鮮袋，令醬汁掛滿在每件海鮮上。膠袋打開之後，檸檬牛油既香氣立即撲鼻而來，令人好想嘗一嘗。
熱船長海鮮拼盤
42 views
0 likes
0 comments
我地叫左三款海鮮，分別係扇貝、翡翠螺同蜆。扇貝好大隻，肉大肥美，而肉質食落滑得來好彈牙。而翡翠螺肉既肉質煙煙韌韌而且有彈性，食既時候配以檸檬牛油汁，好好食。而蜆既份量也不少，本身既鮮甜即使配以檸檬牛油汁都掩蓋不了。而薯仔、腸仔同埋粟米已經吸收了檸檬牛油同埋海鮮的精華，食落變得更入味同有層次。呢個熱船長海鮮拼盤果然係不能不試！
熱船長海鮮拼盤
45 views
0 likes
0 comments
香煎熊霜降西冷
我地叫左五成熟，西冷係煎後保留住佢本身既肉汁，而且西冷既油脂分佈均勻，肉質食落腍身軟滑。另外配以少少辣既薯條，薯仔味好出，而且不會太硬身，值得一讚，水準挺高。
香煎熊霜降西冷
30 views
0 likes
0 comments
鵝肝扁意大利粉
鵝肝自然係其中既一個主角，入口即溶既感覺令人回味，而且唔覺得好油膩。意大利粉既軟硬適中, 加上忌廉汁既配搭，感覺非常滿足。
鵝肝扁意大利粉
26 views
0 likes
0 comments
Hot Apple Cider
最後叫左一杯熱蘋果汁，加上薑、肉桂、蜜糖同檸檬，令成杯野嘅味道完全升華左咁，似乎為今餐消一消滯，作了一個很好嘅結尾。
Hot Apple Cider
39 views
0 likes
0 comments
Post
