Video
Read full review
2012-03-15
22 views
跟女友第一次出城食飯，見多年無去頂太瘋喇，就比多次機會佢，黎試多一次啦 ﹗開業初期食過一次非常失望，今晚係第二次。環境半點都無變，好好好迫夾 ﹗非常嘈炒，嘈到頭痛。我等既係唔搭枱位，等左半個鐘終於入坐喇，點知佢所為既唔獨立枱唔搭枱位只係將四人枱拉開一兩厘米，變成兩張二人枱 ﹗吓？﹗跟本同隔離兩個食客一齊坐、一齊傾計無分別 ﹗以依個價錢，得如此質數，坊間大把更好選擇。辣味小黃瓜，都幾很辣喎，我鍾意 ﹗而且無加醋架喎，咁啱女朋友仔唔食醋，啱晒。黃瓜好清甜又爽口，真係好好好鮮，好味道。花雕醉雞，真係烚得、醃得非常出色 ﹗酒味恰到好處，不太濃又不太嗆。雞肉嫩滑無比，肉帶酒香，又完全無多餘肥膏，好 fit ﹗第一次食到咁好食既醉雞 ﹗無得彈 ﹗No. 1 ﹗特色小籠包，鼎泰豐招牌菜 ﹗毫無驚喜，唔係話特別好食，不過不失啦。較小巧既小蘢包，食落豬肉味香、湯汁都算豐富，但係溫度只暖不燙不出煙，好失色，亦有點失望 ﹗小籠包真係要即叫即蒸，新鮮出爐滾熱辣先最好食 ﹗蟹粉小籠包，放上枱未食已經有一隻穿左喇，漏晒啲湯汁 ﹗扣分 ﹗跟剛才既小籠包同樣問題，溫度只暖不燙，好無癮 ﹗阿姐侍應溫馨提示，最好快快食左
辣味小黃瓜，都幾很辣喎，我鍾意 ﹗而且無加醋架喎，咁啱女朋友仔唔食醋，啱晒。黃瓜好清甜又爽口，真係好好好鮮，好味道。
花雕醉雞，真係烚得、醃得非常出色 ﹗酒味恰到好處，不太濃又不太嗆。雞肉嫩滑無比，肉帶酒香，又完全無多餘肥膏，好 fit ﹗第一次食到咁好食既醉雞 ﹗無得彈 ﹗No. 1 ﹗
特色小籠包，鼎泰豐招牌菜 ﹗毫無驚喜，唔係話特別好食，不過不失啦。較小巧既小蘢包，食落豬肉味香、湯汁都算豐富，但係溫度只暖不燙不出煙，好失色，亦有點失望 ﹗小籠包真係要即叫即蒸，新鮮出爐滾熱辣先最好食 ﹗
蟹粉小籠包，放上枱未食已經有一隻穿左喇，漏晒啲湯汁 ﹗扣分 ﹗跟剛才既小籠包同樣問題，溫度只暖不燙，好無癮 ﹗阿姐侍應溫馨提示，最好快快食左蟹粉小籠包先呀，如果凍左就會好腥架喇 ﹗但係放到上枱已經煙都唔煙吓，只係暖暖地乍喎，味度已大打折扣啦 ﹗好失望 ﹗食落蟹味都有，但真係有點腥，溫度唔夠熱囉 ﹗味道唔錯，豬肉味香，都係 size 細左啲，同無咩驚喜囉。
紅燒牛肉擔擔麵，見多位食家大讚，梗係試試啦，但又係失望而回。先飲啖湯，暖暖地，唔夠熱。醬油味重而牛味淡，味道偏甜有點滯。擔擔麵質感做得唔錯，不過真係太淡口了。牛腩牛根入味、夠腍，但對我黎講太甜，總括而言免強合格。
炸排骨，但我點睇都係炸豬扒，食落既口感實程係煎豬扒薄薄一片，有醬油味，都幾香口，不過味道有點寡，肉汁欠奉，口感有啲乾鞋，black list。
Post
