Video
Read full review
2015-01-22
1436 views
導師從肯雅返嚟述職，匆匆又要回去，所以，一班朋友趁佢離開前一個星期，設席餞行，並順道幫佢慶生 。就佢方便，就選上佢家附近嘅「泰閣」，其實，對其他人都一樣方便，因為餐廳就晌油麻地港鐵站傍，近在咫尺。泰閣，無論門面、室內，都一派型格，一室芥辣黃皮椅，已經搶眼非常，木條屏風、木地板、泰式木雕，雖然都有點「神神佛佛」嘅擺設，但不失摩登。除咗卡位，四或六人枱之外，仲有兩張10人大圓枱，方便一大棚人傾偈 。正值入秋，天氣都涼咗好多，幾款應節嘅冬日窩心飲品，都喺值得一試嘅熱飲。印刷精緻嘅餐牌中，菜式共分為10類，包括沙律、湯類、海鮮、咖喱、蔬菜、肉類、飯類、麵類、飲品及甜品，另加一個近期新推嘅廚師推介餐牌。雖然有套餐供選擇，大家想散點較自主。 金柚子鮮蝦球沙律 $98 泰國金柚拆得大大嚿，清甜多汁，苦澀味輕，蝦肉鮮甜爽口，加埋花生粒、魚乾仔、乾蔥、辣椒碎，酸香醒胃、又帶點鹹鹹、辣辣，有口感，有層次。 冬蔭功 $168 冬蔭功湯有大細之分，前者為2人份（$88），後者為4-6人份（$168），不過，我哋點個大嘅，分完8小碗，都仲可以多添兩碗，所以10個人都夠晒飲。而且，亦可要求減辣
泰閣，無論門面、室內，都一派型格，一室芥辣黃皮椅，已經搶眼非常，木條屏風、木地板、泰式木雕，雖然都有點「神神佛佛」嘅擺設，但不失摩登。除咗卡位，四或六人枱之外，仲有兩張10人大圓枱，方便一大棚人傾偈 。
正值入秋，天氣都涼咗好多，幾款應節嘅冬日窩心飲品，都喺值得一試嘅熱飲。
印刷精緻嘅餐牌中，菜式共分為10類，包括沙律、湯類、海鮮、咖喱、蔬菜、肉類、飯類、麵類、飲品及甜品，另加一個近期新推嘅廚師推介餐牌。雖然有套餐供選擇，大家想散點較自主。
金柚子鮮蝦球沙律 $98 泰國金柚拆得大大嚿，清甜多汁，苦澀味輕，蝦肉鮮甜爽口，加埋花生粒、魚乾仔、乾蔥、辣椒碎，酸香醒胃、又帶點鹹鹹、辣辣，有口感，有層次。
金柚子鮮蝦球沙律
$98
108 views
0 likes
0 comments
冬蔭功湯有大細之分，前者為2人份（$88），後者為4-6人份（$168），不過，我哋點個大嘅，分完8小碗，都仲可以多添兩碗，所以10個人都夠晒飲。而且，亦可要求減辣。橙紅嘅冬蔭功湯，酸辣醒神，又唔嗆喉，湯內有鮮蝦、草菇，又混入重重泰式香料，味道複雜富層次。
冬蔭功
$168
91 views
0 likes
0 comments
喺廚師推介餐牌嘅菜式之一，雖則唔算話好有泰國特色，但炒蛋無炒得過老，蠔仔又夠肥美，蘸一點泰國辣醬，辣味更能吊起蠔鮮。雖然本身都唔算炒得油膩，但加埋墊底嘅銀芽同食，口感更清爽。
鐵板蠔仔炒蛋
$88
55 views
0 likes
0 comments
另一道廚師推介餐牌嘅菜式，賣相比餐牌做得更靚。鮮黃色嘅紅咖喱喺「一隻辣椒」辣度，所以，辣得輕微，應該大部人都接受到，不過，如想搵多點刺激，可要求加辣。紅咖喱惹味得嚟滲有點點泰式香草味，海鮮有青口、魷魚、魚柳同鮮蝦，用料不賴，當然唔好輕易錯過啲南瓜，瓜殼內刮吓刮吓有唔少肉食，又粉又甜。
南瓜紅咖喱海鮮
$118
88 views
0 likes
0 comments
點一客咖喱大家又點夠喉吖？泰式咖喱又紅又黃，唔少得青咖喱一份，椰汁青咖喱可配豬、牛、雞或雜菜。個咖喱色澤青青綠綠，淋上少少鮮椰汁，插樖金不換，望落清新怡人，完全會忽略咗佢個辣度。幸而個青咖喱辣度溫和，除有唔少爽滑嘅雞肉，更加有大量青豆角、泰式茄子作伴菜，所以，整體個感覺較清爽健康。
椰汁青咖喱雞
$88
47 views
0 likes
0 comments
兩客咖喱菜式一定剩番唔少咖喱汁，配白飯當然精明唔嘥料，不過，搵牛油酥餅及蒜蓉包沾咖喱汁喺咪更上算呢？牛油酥餅酥酥軟軟，小片小片蘸紅咖喱，簡單味美；而青咖喱搭蒜香，滋味倍增，再者，法包烘得鬆脆，豈可唔爭住食吖。
牛油酥餅（3塊）$35、蒜蓉包（5件）$35
61 views
0 likes
0 comments
明爐魚泰式、越式都有，做法相近，在乎味道配搭。一大條烏頭之上，放咗好多配料，如乾蔥、青蔥、金不換、芫茜、青檸……等等，待一滾起，香氣四溢 。魚肉質嫩，好有魚味，沾沾湯，酸酸辣辣，味道紛陳，另備一小兜醬汁，唔點都夠晒風味。
泰式明爐魚
$188
140 views
0 likes
0 comments
泰式鹹肉有啲似我哋常食嘅燒肉，算唔上好特別，勝在鹹香，令椰菜苗更惹味；而椰菜苗炒得爽脆，有嚼頭，唔知嘅人可能會覺得佢有啲硬，正如西芹炒得過腍都唔好食。
泰式鹹肉椰菜苗
$82
64 views
0 likes
0 comments
賣相絕對喺平平無奇，不過，果然喺真人不露相。餐牌內有成10多款飯品，可謂各具特色，經理推介嘅香焗芋頭飯，飯內混和咗香芋、肉碎、冬菇、西芹、蝦仁、腰果……，每一啖都口感豐富，飯粒軟綿，真喺無介紹錯。
香焗芋頭飯
$93
94 views
0 likes
0 comments
因為我哋已預備咗一個慶生小蛋糕，所以，最後嘅甜品環節要一客細嘅甜品拼盤可以喇。拼盤包括：椰絲芝麻糯米糍、椰汁木薯、椰汁千層糕、椰汁大菜糕及椰汁西米糕，以口感如蕃薯嘅木薯較少食，所以覺得特色啲，此外，糯米糍糝上鮮椰絲及炒香嘅芝麻，味道寧捨天然鮮香 。
泰式甜品拼盤
$48
66 views
0 likes
0 comments
Post
