鼎泰豐

Open Now

Now Closed

今次特登星期六下午五點半前到,當然不需等位,直入,坐在大魚缸旁,仲見到兩條金魚dead咗.當然點至愛的蟹粉小籠包,雖然要六十蚊,只有六隻,要成十蚊一隻,但個人覺得非常美味,可口,有蟹粉鮮味,有蟹粉口感.個皮其實做得很堅靱,試個將佢fing幾fing都唔穿!另外叫咗擔擔麵,唔記得叫佢走辣,雖然很惹味,但我就覺得辣得滞.今次新叫了排骨湯麵,意外驚喜,同平時上海鋪食嘅完全唔同,雖然排骨不是分開上,但竟然不會浸得太淋,炸得非常好味!由於坐近門口,睇到由五點九開始已經要等位,到六點已經非常多人等位,厲害!