美都餐室

Open Now

Now Closed

經常會同兩位師兄一齊打波食飯，是日算是補祝其中一位的生日，本家於Pink Salmon吃晚飯。由於沒有訂坐，去到時已經冇得食，要另找地方。有人提議太平館，但似乎吃得太多了，倒不如去懷舊的美都餐室。大家咁熟，生日飯也不以價錢計算。美都，很久之前來過吃午餐，食晚飯都係第一次，但其實這裡午餐晚餐都係食咁上下既野。不用考慮太多，就來焗豬扒飯、乾炒牛河以及草菇木耳炒西芹，飲品方面，三杯都是紅豆冰。乾炒牛河端上來是香噴噴的，起初對它還有一點點期望，不過吃落原來是淡口無味的，牛肉算是好一點，幾嫩口，但份量太小了，不成比例的。這碟乾炒牛河，比一般的茶記還要差。焗豬扒飯，是蛋炒飯底，幾香口，茄汁味道調校得不錯，醒胃又不會過酸。豬扒是有骨的，並不像預期般鬆化，幸好也是幾好味。草菇木耳炒西芹，感覺幾健康的一道菜，顏色配搭得宜，可惜水準一般。西芹就連衣也沒有去乾淨，而且幾硬，木耳並不爽脆，只是草菇比較有鮮味，各人都是爭相瞄準草菇來夾。紅豆冰甜度適中，紅豆份量也不少，足足有成半杯的。但係嫌佢紅豆唔夠大粒，同時又不夠豆香，稱不上出色。食物只係普通，是那懷舊的環境令它仍有一點存在的價值。