Video
Read full review
2014-08-05
2537 views
記得第一次食greyhound係一個特別既"約會", 同時係因為coconut crepe cake而令我將佢放入wishlist! 之後都唔記得係食過幾多次greyhound, 連去bangkok都食過一次, 而greyhound係香港都愈開愈多分店! 今日做完運動同朋友黎到新世紀食個late lunch, 出完汗搵個舒服既地方嘆下先~ 侍應帶我地去到最入既梳化位, 有D愛上呢度個裝修, 咁岩坐窗邊, 陽光令到成間餐廳好光猛, 有種令人開心既感覺, 食野都開胃D呀! Phad Thai係泰國經典菜式, 都係我去泰國餐廳通常會叫既... 今次叫左個Prawn Phad Thai, 一上菜已經有陣香味, 令飢腸轆轆既我地食指大動! 即係將旁邊既花生, 芽菜, 蝦同粉撈均就可以開動喇! 河粉炒得非常適中, 仲有種淡淡既甜味, 配合香口既花生碎及爽口既芽菜, 口感不錯, 蝦亦煮得岩岩好, 非常爽脆~另外仲叫左個軟殼蟹墨汁麵, 本以為係墨汁煮既麵, 黎到先知係個麵本身已經黑色, 有少許失望啦~ 不過隻蟹先係重點, 好少見咁大隻蟹就咁扒係麵上面, 賣相夠晒吸引! 墨汁麵煮得好彈牙, 蟹
今日做完運動同朋友黎到新世紀食個late lunch, 出完汗搵個舒服既地方嘆下先~
侍應帶我地去到最入既梳化位, 有D愛上呢度個裝修, 咁岩坐窗邊, 陽光令到成間餐廳好光猛, 有種令人開心既感覺, 食野都開胃D呀!
Phad Thai係泰國經典菜式, 都係我去泰國餐廳通常會叫既... 今次叫左個Prawn Phad Thai, 一上菜已經有陣香味, 令飢腸轆轆既我地食指大動! 即係將旁邊既花生, 芽菜, 蝦同粉撈均就可以開動喇! 河粉炒得非常適中, 仲有種淡淡既甜味, 配合香口既花生碎及爽口既芽菜, 口感不錯, 蝦亦煮得岩岩好, 非常爽脆~
另外仲叫左個軟殼蟹墨汁麵, 本以為係墨汁煮既麵, 黎到先知係個麵本身已經黑色, 有少許失望啦~ 不過隻蟹先係重點, 好少見咁大隻蟹就咁扒係麵上面, 賣相夠晒吸引! 墨汁麵煮得好彈牙, 蟹入面有少許蟹膏令整碟麵更香更令人流口水... 不過可能因為始終係炸既, 如果可以再多點蔬菜或者少油會更好~
最後一個主菜就係另一款泰國名菜生菜包, 揀左炸排骨呢個配搭... 旁邊仲有原粒花生, 青檸, 薑, 洋蔥可以調味, 好中意個排骨有好多軟骨, 包係生菜入面多左d咬口, 而且都炸得好香! 可惜只有4塊生菜, 無機會encore...黎greyhound當然要試下甜品啦, 所以主菜只係食3碟 唔係點留肚!!!
Classic Dark Choco Cake--一向喜歡黑朱古力個種甜中帶澀既味道, 見到呢個咁dark既蛋糕就好想食, 不過食落發覺朱古力味唔夠濃, 而且蛋糕略碎, 無左朱古力幸福既感覺...
中意食brwonie既朋友叫左個brownie, 相反呢個brownie帶比我地驚喜! 有種甜甜澀澀既朱古力味充斥整口腔, 質地鬆軟得黎唔會散開, 雲尼拿雪糕就清清地, 一齊食仲可以中和brownie既甜味, 食幾多都唔覺得漏呀, 真係食極都唔滿足咁 xp
最後要食既當然係crepe cake啦! 之前已經食過清香既椰子同新鮮既芒果, 今次就揀左Mixed Berry Crepe Cake, 上枱第一感覺係好多莓! 除左蛋糕入面, 外面陪碟都放左唔少莓~ 講返主角先, 滑溜既cream加上煙韌既千層皮口感已經不錯, 再配合雜莓既酸甜, 則為crepe cake帶來多一份清新味道, 口感更為豐富厚實! 泰國菜一向都幾好食, 而greyhound既fusion亦做得幾出色! 公司樓下最近都開左間, 實有大把機會再試!
Post
