Video
Read full review
2023-01-26
491 views
年初四約咗好友Gathering ，因為臨時改地方Book唔切位，喺間間都話要等1.5-2個鐘嘅情況下，呢間仲有吉枱唔使排隊，所以諗都冇諗就扑錘食呢間。一坐低已經知道要90分鐘交枱，所以我哋用咗5，6分鐘睇餐牌揀嘢食，落單嘅時候，嗰位男職員同我哋講今日比較忙，應該要等至少30分鐘先出到餐，咁我哋循例問一問交枱時間會唔會可以彈性處理，該名男職員表示唔得，然後就行開咗。之前為咗盡快落單，所以我哋未揀嘢飲，揀好後叫咗另一位嚟落單，目測似係經理，佢主動話今日得一位大廚喺度，所以出餐可能會比較慢，希望大家見諒，態度比之前嗰位好好多，抵讚。我哋叫咗一個小食拼盤，一份牛扒，一個青咖喱雞配薄餅（追加一份薄餅）同一碟泰式炒意粉。小食拼盤大部分係炸物，香口惹味，唔會過鹹，但2款腸仔中，波波腸較好，另一款腸仔食落口感較實偏鹹，個人不喜。牛扒冇問我哋要幾成熟，上枱感覺應該係medium well，而且係切好晒嘅，我唔知係因為佢覺得我哋會share所以幫我哋切埋，定佢一向都係咁上枱，不過就怪啲囉，因為預先切定啲牛扒啲肉汁會流失得快啲，可能佢諗住另外有個sauce做蘸醬，影響不大啩……好在味道都算ok，冇over
一坐低已經知道要90分鐘交枱，所以我哋用咗5，6分鐘睇餐牌揀嘢食，落單嘅時候，嗰位男職員同我哋講今日比較忙，應該要等至少30分鐘先出到餐，咁我哋循例問一問交枱時間會唔會可以彈性處理，該名男職員表示唔得，然後就行開咗。之前為咗盡快落單，所以我哋未揀嘢飲，揀好後叫咗另一位嚟落單，目測似係經理，佢主動話今日得一位大廚喺度，所以出餐可能會比較慢，希望大家見諒，態度比之前嗰位好好多，抵讚。
我哋叫咗一個小食拼盤，一份牛扒，一個青咖喱雞配薄餅（追加一份薄餅）同一碟泰式炒意粉。
小食拼盤大部分係炸物，香口惹味，唔會過鹹，但2款腸仔中，波波腸較好，另一款腸仔食落口感較實偏鹹，個人不喜。
牛扒冇問我哋要幾成熟，上枱感覺應該係medium well，而且係切好晒嘅，我唔知係因為佢覺得我哋會share所以幫我哋切埋，定佢一向都係咁上枱，不過就怪啲囉，因為預先切定啲牛扒啲肉汁會流失得快啲，可能佢諗住另外有個sauce做蘸醬，影響不大啩……好在味道都算ok，冇over cook。
而個青咖喱雞配薄餅，個汁偏稀，以青咖喱嚟講，完全唔夠辣，個辣度感覺只係比白咖喱辣少少咁多。而且個薄餅唔夠熱又偏淋，失敗。
最差係個泰式炒意粉，勁多油，食落似中式豉油炒意粉，完全冇泰式感覺可言，唯一可取嘅係啲蝦都幾大隻同幾爽口，但個意粉真係不了。
飲品方面我揀咗杯椰汁冰嘅物體，叫Coconut Shake，椰汁味夠濃，飲到尾都仲係滿滿椰汁味，唔會水，幾好。
香煎和牛扒
20 views
0 likes
0 comments
小食拼盤
26 views
0 likes
0 comments
Coconut Shake
$68
18 views
0 likes
0 comments
Post
