意粉屋 (Closed)

去咗Spaghetti House叫咗幾樣嘢食再加錢轉做餐，特色龍蝦湯塊酥皮要再加錢，都幾脆同埋有牛油香，撈埋湯一齊嚟食就仲香口。湯方面都幾濃郁，入面仲有唔少龍蝦肉同蘑菇之類。另外個餐仲有杯叫果蜜之戀嘅凍飲，其實係柚子蜜梳打嚟嘅，唔算好特別，不過而家啲天氣開始熱熱地，飲下啲有氣嘅嘢係特別透心涼嘅。雙重芝士焗海蝦蟹肉意大利粉嘅雙重芝士即係指巴馬臣芝士同馬蘇里拉芝士，面層仲有蝦同蟹肉，意大利粉煮得唔腍都唔錯，不過芝士味就好似唔係咁夠。