Video
Read full review
2024-01-22
683 views
見呢度有頗多好評，就決定試一試﹝跟據過往經驗，呢度啲食評可信程度都有70~80%﹞‧‧‧呢間係嗰20~30%？食物水準：飲品都OK嘅。食物就一般，炸雞可以。煎餅尚可，"炒"粉絲就‧‧‧有啲糊，啲粉絲〝痴〞埋一舊。咁一般質素，竟然都算多人幫襯﹝我哋星期一晚去嘅，入坐率都有60~70%﹞。服務態度：無服務可言。入座 - 訂咗19:00四位，18:50左右上到去門口，望到入面有員工/侍應企咗响度食嘢，面對面見到我哋，都冇意識行出嚟接待，我哋就自己行入去搵佢。落單 - 叫侍應落單時，有1、2個行過都無反應，叫多一两次，先行埋嚟。上菜 - 其中一位侍應，竟然將食物/飲品放响枱邊，而枱中間係未放滿。其餘都係粒聲唔出就咁放底﹝唔講係咩菜，點知有冇放錯枱？﹞埋單 - 我明白，訂/入座時，已講明係90分鐘交枱。以往幫襯過不少食肆，亦有呢個明文規定，但如果未滿座，亦唔會趕客走，因為試過坐得耐啲，又會再叫啲飯後甜/飲品‧‧‧呢間真係奇疤。走時係20:20左右﹝應該未有耐關門﹞，行過門口，先見到有一整區係吉枱﹝佔全店1/4左右﹞。唔知店東知唔知啲員工咁〝敬業樂業〞，準時收返張枱呢？
食物水準：飲品都OK嘅。食物就一般，炸雞可以。煎餅尚可，"炒"粉絲就‧‧‧有啲糊，啲粉絲〝痴〞埋一舊。咁一般質素，竟然都算多人幫襯﹝我哋星期一晚去嘅，入坐率都有60~70%﹞。
服務態度：無服務可言。
入座 - 訂咗19:00四位，18:50左右上到去門口，望到入面有員工/侍應企咗响度食嘢，面對面見到我哋，都冇意識行出嚟接待，我哋就自己行入去搵佢。
落單 - 叫侍應落單時，有1、2個行過都無反應，叫多一两次，先行埋嚟。
上菜 - 其中一位侍應，竟然將食物/飲品放响枱邊，而枱中間係未放滿。其餘都係粒聲唔出就咁放底﹝唔講係咩菜，點知有冇放錯枱？﹞
埋單 - 我明白，訂/入座時，已講明係90分鐘交枱。以往幫襯過不少食肆，亦有呢個明文規定，但如果未滿座，亦唔會趕客走，因為試過坐得耐啲，又會再叫啲飯後甜/飲品‧‧‧呢間真係奇疤。走時係20:20左右﹝應該未有耐關門﹞，行過門口，先見到有一整區係吉枱﹝佔全店1/4左右﹞。唔知店東知唔知啲員工咁〝敬業樂業〞，準時收返張枱呢？
15 views
1 likes
0 comments
Other Info. :
今日査電郵，先見到呢度話我缺席咗呢個訂座。即時決定﹝第一次﹞寫返篇食評出嚟。其實，上星期食完行出門口時，已同同行友人不斷講，一定要差評呢餐/間，但過後，其實本身都諗住有時間、又記得嘅話，先睇吓寫唔寫。連客人有冇出席都唔會反饋返平台，咁平台仲為乜同你合作？
(The above review is the personal opinion of a user which does not represent OpenRice's point of view.)
Post
