黑布小巷 (Elite Industrial Centre)

Open Now

Now Closed

估你唔到咁多人排隊，星期五夜晚大約等15分鐘。落單用QR code先俾錢後上菜。座位非一般闊落，坐得好舒服，不過咁多人排隊，食完都會走。*慢烤雞腿芝士蛋吐司 $53雞腿醃到好入味，甜味較重，未夠多肉汁，仲有半熟煎蛋、芝士，令到吐司餡爆汁。吐司有牛油香，但有啲濕軟，如果烘脆啲就更好了。古早味台式滷肉飯 $48唔知古早味係咩味，但呢個就係好味！豬腩肉七分肉三分肥，用傳統台式做法，將肥肉煮到軟腍，瘦肉有咬感，白飯吸晒滷肉汁，好好食！蕃茄紅燒台式牛肉麵 $78湯底有番茄蓉，茄味比牛肉味重好多。麵條好腍，唔啱我口味。牛肋條有三條，煮到軟腍，蘿蔔、紅蘿蔔、滷蛋都滷到入味。芝士火腿肉鬆蛋餅 $45蛋餅有厚度、微Q軟，唔會軟腍腍，係我鍾意嘅質感。餡料有雞蛋、芝士、厚火腿、肉鬆，呢個組合好夾好食。