Layback Cafe & Bar

Open Now

Now Closed

由尖沙咀搬到銅鑼灣既新舖，睇IG見到已經開業，就決定嚟試下。環境幾舒服，座位更有唔少cushion，可以舒舒服服咁坐係度同朋友食飯吹水。Menu上既食物亦好豐富，睇得出菜式係精心設計過。氈酒烤焗大澳黃花魚子烤焗過既魚子味道濃郁，甘香可口，配埋火箭葉就更加有層次。八爪魚伴薯蓉好大片八爪魚，彈牙得嚟絕對唔會好似香口膠咁韌。薯蓉好重牛油香。油封鴨腿配窩夫、血橙非常特別既菜式，從來無諗過鴨腿可以配窩夫，再加啲牛油同血橙，味道係意外地好夾，食到鴨腿既味道又帶點窩夫既香甜爽脆。薯條卡津薯條粗幼度適中，外層香脆帶點薯仔皮，並灑滿卡津粉，更添風味。Sor Berries混合左士多啤梨、藍莓、紅桑子及香蕉既smoothie，幾鐘意佢味道唔會太甜，有淡淡既莓香，果然係真材實料。Tropical Sunshine個名同賣相一樣咁靚，混合左菠蘿、香蕉、芒果以及桃。飲落就覺得香蕉既味道會相對地突出，充滿夏日氣息。