番本日式放題 (Closed) View

暑假同阿仔周圍去食嘢，去食放題就少不免，呢度有刺身又有蒸氣火鍋先叫咗生蠔，有原味，酸汁辣蘿蔔蓉，茄汁 唔同選擇，三款都試曬，不設上限飲點， 鍾意食生蠔嘅真係抵曬刺身好多選擇，三文魚，象拔蛙，拖羅，希靈魚，榮螺片，赤貝，鯛魚，北海道帶子， 甜蝦，樣樣叫啲。刺身新鮮飽滿，好鍾意食甜蝦，夠曬鮮甜仲有好多款式嘅壽司同手卷蒸氣火鍋仔好得意，最好一嚟到叫咗啲配菜，等佢哋先預備個蒸氣火鍋，水滾就可以將配料放喺個隔氣㗎上面，用蒸氣蒸熟牛肉，雞件，好滑呀!蒸海鮮仲可以鎖住海鮮嘅鮮味，呢個冇得彈仲叫咗天婦羅同炸物，即叫即炸，熱辣辣其實仲有好多熟食，例如燒烤串，蒜香炒帶子，鰻魚炒飯，xo醬炒墨魚咀等等…….都好吸引，但係真係會食唔曬，只係揀咗個至愛，日式響螺蟹粥，真係有響螺同蟹㗎，個粥真係幾鮮甜呢度本點餐紙真係好厚，佢哋特意安排將 凳畀你放好，唔洗放喺張枱度阻住擺食物。飲品，雪糕，雪糕糯米糍任攞。 咁嘅價錢，食到咁多唔同品種嘅食物，番本呀