印尼餐廳1968 (Moved) New Location

因為生日放自己大假，好臨時咁尋日約，今日見。就舊朋友工作地點，叫佢揀餐廳，俾左3個option，東南亞菜式向來喜歡（errr其實好食就咩菜式都喜歡），咁岩早幾日同其他朋友都係食西餐，唔洗一分鐘就決定食呢間今日係紅日，中環食野完全唔洗驚冇位。我地2點先去食，仲可以坐窗邊位。一行4女士，叫左4樣野食，各一飲品，埋單每人$200有找蝦醬炒椰菜苗。不嬲唔係街食菜（只食屋企煮嘅菜），但未試過椰菜苗就食下。又幾好食，可以用爽脆形容。印尼炒飯。有2串串燒，豬？我冇睇menu，係咩都冇所謂。蝦片另上，初時見到一條條以為係薯條，望真先知係蝦片。飯份量算多，好食。印尼醬燒魷魚。個醬汁好多野，味道幾好，但講唔出係咩味。魷魚唔韌，燒得岩岩好。爪哇醬燒雞。初頭睇係睇到半隻，睇睇下見到呢個菜名又出現，可以叫細份d。為左食多款，所以叫左呢份細嘅。上到枱，其實都唔細，係雞全脾。朋友話覺得個味好泰式，但我唔覺。唔乾，惹味，配返印尼炒飯，正。叫左2個椰青，正常味道，都幾大個印尼烘焙茶，甜嘅茶，茶味唔濃，講唔出咩味滴滴咖啡，練奶底，冇試到，應該正常廁所有驚喜，除左洗手液，仲有護手霜，最特別係漱口水。我呢個大鄉里，好少過海食