焱丸水產

去尖沙咀搵食，各國美食種類繁多，最愛還是日本菜，今次係第二次來焱丸。呢度頗有當地氣氛，無得去旅行，來個望梅止渴，享受吓美食都好。麻醬蕃茄豆腐沙律，材料新鮮仲有粟米片，口感豐富，撈埋香滑麻醬，好食又開胃。刺身5盛：海膽、油甘魚、三文魚、吞拿魚、帶子海膽肥美甘腴，入口即化，正！帶子夠新鮮，肉質爽甜。油甘魚爽滑油潤吞拿魚魚味濃郁三文魚軟滑肥美。炸藕片脆卜卜，口感似薯片，摸住酒杯底最啱。焱丸號壽司色彩鮮艷，材料豐富又新鮮。有海膽、三文魚籽、帶子粒、 拖羅他他、蟹棒、 蛋絲同2件軍艦， 全部好好味。黑松露蟹肉甲羅燒，店員會幫手磯燒，客人只需要吃。食落軟滑可口，帶住黑松露香。什菜天婦羅天婦羅粉醬脆薄，有蝦、魚、茄子、冬菇、南瓜、蕃薯、小青椒...等，最鍾意小青椒同南瓜。炒飯飯粒分明，面頭放咗蟹籽， 裡面有海鮮粒。飲返杯冰菠蘿燒酎， 大大枝冰菠蘿，有得食又有得飲，好味。