Sky726

Open Now

Now Closed

Sky726 鄰近旺角站，地點方便；處於25樓的高度配合落地大玻璃窗視野廣闊，來到嘅時候啱啱好黃昏可以睇到夕陽🌇，入夜時天花的燈好似星星一樣，玻璃亦倒照出另一面的星空🌃；環境舒適，蠟燭營造出燭光晚餐的氣氛🕯️法式薯角：外皮炸得好香脆，熱辣辣到燙口，份量都幾多🦐珍寶虎蝦意大利飯伴龍蝦牛油汁虎蝦有三隻，都幾大隻，肉質新鮮，爽口彈牙，加咗牛油汁同香草煎香提升鮮味；意大利飯軟硬適中，煮得恰到好處，加咗龍蝦湯煮味道濃郁。香草燒春雞（半隻）燒春雞外皮焗得好香脆，加咗香茅同椒鹽去焗十分惹味，好似孜然雞翼咁，內裏肉質比較結實。整體來講，食物質素不錯；店員服務態度殷勤有禮；環境舒適，係二人世界或慶祝特別日子唔錯嘅選擇。