樂天皇朝 (Lee Theatre Plaza)

Open Now

Now Closed

一行十幾人黎到開飯，地點方便。一入門口左邊有大量包點師傅制作包點，中間一排座位有一個大大既水池同假花，大枱間有屏風略略隔開，算係幾有私人空間，有高級既裝修…叫左多個菜式，都食唔晒咁多款… 麻醬油麥菜﹕麻醬唔似係自己較既，似用日式麻醬，青瓜卷起油麥菜，油麥菜本身無咩味，麻醬好味就得。 糯米紅棗﹕唔食紅棗可能未必接受到，食紅棗同糯米既可能鐘意食，糯米中和左紅棗既甜，又比到口感。不過佢地既糯米好似未蒸熟透呢…聞香蔥油餅﹕唔知點解叫”聞香”，用中式酥卷起蔥油，似係炸既。味道其實幾好，但係可能佢個蔥油太濕身，個酥個心炸唔透，唔起酥，有少少唔熟既感覺。皇朝小籠包﹕呢個係OR好多人推介，都好有期望，我無試晒咁多款，但除左蟹粉以外，其它既口味都唔突出，我地最後加碼都只係叫左蟹粉同原味。小籠包﹕皮簿夠湯，口味就一般，肉鮮味唔夠出，本人比較鐘意鼎泰豐！菠蘿咕嚕肉﹕菠蘿大件多汁，配料多，咕嚕肉份量都唔少，同埋啖啖肉，但係就唔夠脆口。生煎包﹕極之失敗，完全唔脆，個底係韌……比街邊D上海店更差。 高麗豆沙﹕入面有紅豆餡同香蕉，個味唔錯，但個蛋白唔夠鬆軟。 豆沙鍋餅﹕賣相有眼睇，見到都唔係好想食，餅皮有D硬…其實