Video
Read full review
2021-10-09
130 views
今日晚餐去咗觀塘搵食, 喺 app 搵到喱間評價相當唔錯嘅貓貓 cafe, 就嚟試吓。店家開設於樓上工廈, 喺門口放咗兩部機俾客人用膠袋 "lup" 住對鞋, 可以 keep 住店内清潔, 唔會影響到貓貓。 一入到店入面, 當然要消毒雙手, 同登記個人資料啦! 做完喱啲例行公事, 店員為我同 P San 安排坐位, 帶我哋到一張有隻貓貓喺度瞓緊覺嘅枱度坐低咗, 淨係諗食乜都已經諗咗將近 15 分鐘, 因為我哋太唔小心啦, 俾喺我哋張枱隻 "春卷" 吸引咗我哋嘅注意力 😆 "春卷" 好懶咁唔多郁, 但又唔怕人, 仲任我哋摸。 終於諗到食乜啦, 我哋決定唔叫餐, 點咗個惹味羊肉手工竹炭漢堡配脆薯, 同埋一個濃厚芝士肉醬千層麵, 另外, 飲品方面, 我哋點咗一杯 400 次薄荷咖啡同一杯 400 次玫瑰咖啡。首先嚟嘅係飲品, 店員放低咗飲品, 都唔會趕走 "春卷", 貓貓繼續留喺度同我哋影相同玩。 400 次玫瑰咖啡表面有幾片乾玫瑰花瓣, 中層就係香滑嘅 400 次咖啡, 最底層係淺粉紅色玫瑰味奶, 聞落已經有淡淡玫瑰同咖啡味, 一飲落去, 咖啡同玫瑰味好平衡, 玫瑰味唔會俾
店家開設於樓上工廈, 喺門口放咗兩部機俾客人用膠袋 "lup" 住對鞋, 可以 keep 住店内清潔, 唔會影響到貓貓。 一入到店入面, 當然要消毒雙手, 同登記個人資料啦! 做完喱啲例行公事, 店員為我同 P San 安排坐位, 帶我哋到一張有隻貓貓喺度瞓緊覺嘅枱度坐低咗, 淨係諗食乜都已經諗咗將近 15 分鐘, 因為我哋太唔小心啦, 俾喺我哋張枱隻 "春卷" 吸引咗我哋嘅注意力 😆 "春卷" 好懶咁唔多郁, 但又唔怕人, 仲任我哋摸。
終於諗到食乜啦, 我哋決定唔叫餐, 點咗個惹味羊肉手工竹炭漢堡配脆薯, 同埋一個濃厚芝士肉醬千層麵, 另外, 飲品方面, 我哋點咗一杯 400 次薄荷咖啡同一杯 400 次玫瑰咖啡。
首先嚟嘅係飲品, 店員放低咗飲品, 都唔會趕走 "春卷", 貓貓繼續留喺度同我哋影相同玩。 400 次玫瑰咖啡表面有幾片乾玫瑰花瓣, 中層就係香滑嘅 400 次咖啡, 最底層係淺粉紅色玫瑰味奶, 聞落已經有淡淡玫瑰同咖啡味, 一飲落去, 咖啡同玫瑰味好平衡, 玫瑰味唔會俾咖啡味蓋過咗, 因我唔多喜歡飲苦嘅咖啡, 喱個玫瑰咖啡就偏向甜少少, 好啱我; 而個 400 次薄荷咖啡, 相比下就冇玫瑰咖啡咁吸睛同咁好味, 只有一層 400 次咖啡同底層嘅奶, 而味道有啲似以前食嘅綠箭香口膠 😅 但仍然有咖啡味, 都可以, 但下次會試第二款飲品 😊
400 次玫瑰咖啡 + 400 次薄荷咖啡
$116
3 views
0 likes
0 comments
跟住到主菜惹味羊肉手工竹炭漢堡配脆薯, 店員好細心, 會問我哋使唔使抱開 "春卷" 先, 因為我哋係二人枱, 亦都仲有另一個主食, 所以都要暫時將 "春卷" 抱開。 如果喜歡食羊肉嘅, 喱個包係唔錯嘅選擇, 有羊肉香味, 唔會有孜粉味, 而且都幾 juicy, 竹炭包同脆薯同樣外脆內軟, 再配埋少許沙律, 另成個主食清爽, 唔會膩。
惹味羊肉手工竹炭漢堡配脆薯
$128
4 views
0 likes
0 comments
濃厚芝士肉醬千層麵
$118
8 views
1 likes
0 comments
同場加映, 其他貓貓, 好多都係懶洋洋咁攤喺枱、櫈或者地下, 但因為店家都會要客人喺門口用膠袋套住對鞋, 所以地方相當乾淨, 貓貓同客人都可以喺唔細嘅空間自由走動同互動, 甚至有啲客人會抱起貓貓, 真係一間又有得食又有得玩嘅貓 Cafe。
Post
