Bingo & Cook (L'Hart)

Open Now

Now Closed

整體食物唔錯，但… 服務差到咁，好難去第二次。實在可惜，因為店內座位唔逼，裝修簡潔，其實好舒服。友人晏晝打去試訂九點半枱，答案係「你Walk in啦」… 睇Openrice以為last order係十點，九點半去到，兩個扮侍應女子望天望地望遠方傾埋句計，終於肯慢鏡行去口招呼我哋。扮侍應女子話「我哋執緊嘢喇」，我問係咪即係冇得食，佢又話「唔係，last order係九點九，食個半鐘｣… 咁矛盾咩？！一坐低，諗住火速揀嘢食，心諗淨番唔夠十五分鐘就九點九，免得大家難做，想快… 偏偏！！！佢哋咁趕又唔俾餐牌… 吖，明明佢哋收錢又可以神速，哩頭落完單，食嘅未到，嗰頭俾張單叫我哋埋單。咁矛盾咩？！十點九，「我哋要收啦」… 嘢都未飲晒，掃興說再見。西柚Coronaita $88冇極假果汁味，正常。海鮮蔥餅 $100煎得香口，咬落啖啖蔥，海鮮份量好足，最讚係冇食粉糰嘅感覺。讚！韓式魷魚炸雞 $180渴望咗食炸雞一排，所以今晚揀韓國菜。雖然冇驚喜，總算冇失望。炸漿冇過厚，調味正常唔會鹹。跟機有個細沙律，四款醬汁任君選擇。香港唔容易搵到好食嘅炸雞，哩碟我接受。配搭炸魷魚就第一次試，有趣。