Sky726

Open Now

Now Closed

今日同朋友一齊去旺角買飯，佢就介紹一個好氣氛好有情調嘅餐廳，上到去又真係環境好吸引，旺角一路望到大角咀，一望無際，可惜當晚見唔到日落，如果唔係環境仲更加吸引；首先點咗個生蠔加白酒，再添咗個蟹肉南瓜湯同牛尾湯，主餐就點虎蝦配龍蝦汁意大利飯，和香辣慢煮豬肋骨。首先白酒係有葡萄皇后之稱嘅Chardonnay，飲落dry&fruity，用嚟餸生蠔絕配！而生蠔方面，澳洲嘅應該係coffin bay, 而蘇格蘭嘅就唔知邊處，我就覺得澳洲嘅比較鮮甜，好食啲！跟住嚟兩個湯，好有水準，南瓜湯再加埋啲蟹肉，鮮甜可口；牛尾湯都好creamy同中餐嘅牛尾湯好大分別，也都有少少肉碎增加口感；，最驚喜喺餐包竟然外脆內軟仲要係暖暖地，食落超感動，主餐嘅虎蝦龍蝦汁意大利飯，飯嘅軟硬度煮得恰到好處，每粒飯都索滿龍蝦汁，好高水準，虎蝦都新鮮，蝦肉爽滑有鮮味；慢煮豬肋骨有少少辣味，好嘢味，經過慢煮嘅豬肋骨，骨肉分離，淋滑入味，薯角亦都炸得好脆，推介之選。除咗美食，餐廳仲奉送一個美景，可以一路睇住華燈初上，萬家燈火，慢慢享用美食和美景真係一樂也。仲有值得一讚嘅，就係服務員嘅服務亦都超水準。