Greyhound Café (MOKO) (Closed)

天氣太凍，又落大雨 ，在工作一天之後！真係好想為自己打打氣！ 入商場搵食，唔使再吹風！去到門口見到好多人，以為要等好耐！同門口店員攞位！居然即刻有位！ 坐近門口一個靠牆雙人位！可以望晒餐廳格局，黑白簡約設計，店內有道好像工廠嘅鐵閘，因為無行到入去，唔知入面裝修！店員放低餐牌！餐牌麵幾特別，好像皮革筆記本，圖文並茂，落好單我再問店員攞埋甜品餐牌（好似相簿咁！）我主力想試墨汁麵！所以揀了：鮮蝦帶子墨汁麵：店員帶提我呢個麵會辣！上菜賣相好靚，七彩繽紛，有好多九層塔，帶子煎到金黃色，入面鮮嫩，蝦肉爽口，魷魚圈唔韌！墨汁麵有咬口，汁料先至驚喜，泰式辣味，都幾辣，但惹味！中間仲夾雜幾串鮮胡椒！十個好味！藍蘭豆甜菊花茶：用茶壺上（即刻高級咗）最特別係顏色，以為係黑色，倒出係藍色！夠熱，味道係菊花茶啖啖嘅味道，帶啲藍蘭豆嘅甘甜！要落蜜糖先好味啲！特別但未必會試下一次！榛子香蕉芝士餅：店員會食晒啲主食先上甜點！賣相好靚，香蕉新鮮，配上榛子朱古力面嘅芝士蛋糕，芝士蛋糕質地似紐約芝士餅，挺身但唔會硬！再加灑上朱古力粉，令整體味道一致，味道好夾！店員勤快，但唔太熟悉菜式，因為我問個好店員意粉裡面啲係唔係