Video
Read full review
2020-09-24
1103 views
朋友有好消息宣佈，所以帶我食好嘢😋，原來係去尖沙咀H8嘅「The Captain's House 」，其實我想試好耐架喇！我之前食過灣仔嘅蟹先生，但都係後來先知佢哋係同一集團。今日可以試埋尖沙咀店。餐廳環境好開揚，因為樓層較高，望出去個景無咁壓迫🌇，加上佢打通哂成間餐廳用膳嘅地方，無特別間箱房，好好善用兩邊嘅大窗，令到外面嘅光線能夠浸透整個地方！朋友叫我唔駛客氣，食乜都得🤣。佢都講到咁，我無理由唔俾面嘅，嘻嘻。第一時間望下Shake Shake海鮮袋嘅餐牌先。熱船長海鮮拼盤Hot Captain’s Seafood Platter係餐廳嘅招牌菜🌟，我相信嚟得嘅都會食，海鮮同醬汁均能自由組合，個人認為特別過冷嘅海鮮拼盤吧。收費分三段：$398(3種海鮮)、$558(5種海鮮)同$808(8種海鮮)。熱拼盤個樣好搞笑，係用一個大袋裝住啲海鮮，店員會先放低畀我哋影相📸️，之後再喺我哋面前將個海鮮袋搖匀。當海鮮袋打開後，我哋就已經聞到陣陣香味。店員推介「卡薑蒜蓉汁Cajun Garlic Butter」，佢溫馨提示醬汁有少少微，但就無薑味，因為卡薑其實係香料嚟！醬汁雖然係有激多蒜，偏重口味，但確
朋友有好消息宣佈，所以帶我食好嘢😋，原來係去尖沙咀H8嘅「The Captain's House 」，其實我想試好耐架喇！我之前食過灣仔嘅蟹先生，但都係後來先知佢哋係同一集團。今日可以試埋尖沙咀店。
餐廳環境好開揚，因為樓層較高，望出去個景無咁壓迫🌇，加上佢打通哂成間餐廳用膳嘅地方，無特別間箱房，好好善用兩邊嘅大窗，令到外面嘅光線能夠浸透整個地方！
朋友叫我唔駛客氣，食乜都得🤣。佢都講到咁，我無理由唔俾面嘅，嘻嘻。第一時間望下Shake Shake海鮮袋嘅餐牌先。
熱船長海鮮拼盤Hot Captain’s Seafood Platter係餐廳嘅招牌菜🌟，我相信嚟得嘅都會食，海鮮同醬汁均能自由組合，個人認為特別過冷嘅海鮮拼盤吧。收費分三段：$398(3種海鮮)、$558(5種海鮮)同$808(8種海鮮)。
熱拼盤個樣好搞笑，係用一個大袋裝住啲海鮮，店員會先放低畀我哋影相📸️，之後再喺我哋面前將個海鮮袋搖匀。
熱船長海鮮拼盤
$398
8 views
0 likes
0 comments
活蜆
9 views
0 likes
0 comments
三款海鮮我哋要咗海蝦🦐、活蜆同活青口，每款各有十隻。餐廳幾君真，會列出每款海鮮嘅份量，免卻海鮮價嘅情況🙈。活蜆最正，又大隻又好肉，就算醬料濃都食得出鮮味。青口都新鮮，但肉偏細粒，唔肥美。另外，蝦就正常。
除咗海鮮外，熱拼盤仲有少許伴菜，例如粟米🌽、薯仔🥔同豬肉腸，前者最好食。食哂個拼盤都已經飽飽地，因為過程需時。
餐廳會提供圍裙仔、手套🧤同濕紙巾，所以落手食海鮮都唔駛怕污糟。
路易斯安那特色蟹餅Louisiana Crab Cake($98)，蟹餅又係餐廳另一名物，圓形厚厚一大件放咗喺鐵板上。當蟹餅被切開後，我見到嘅就係滿滿嘅蟹絲🦀，食落好正，因為係真材實料，無混入其他食材。
雖然蟹餅係煎，但並唔油，配上蛋黃醬食好搭調。考慮到蟹餅其實都幾大件，所以定價算幾抵食😛。
黑松露野菌蝴蝶粉
$188
12 views
0 likes
0 comments
裝蝴蝶粉嘅碟唔算大，但食落發現份量正常。🍄黑松露忌廉醬汁超濃郁，由於無加入芝士，醬汁保持流質，唔會變得纏人或太漏。每粒蝴蝶粉都掛哂汁，本身又夠彈牙，唔錯。不過我認為呢道菜嘅定價稍貴，因為無乜餸；加上其他餐廳賣依個價錢嘅Pasta多數都係美國份量，夠幾個人食。
紐約芝士蛋糕
$78
19 views
0 likes
0 comments
一般而言，紐約芝士蛋糕嘅口感都會比較厚實，就算好食但食多幾啖已經會厭咗。但呢度嘅唔同，口感稍為綿啲，有少少似雪糕入口即化嘅效果，但芝士味並無因此而變淡🧀。最特別嘅地方係餅底變身為碎碎，混入咗喺蛋糕入面，食落幾過癮。
飲品方面，我哋要咗兩杯用薑水Ginger Ale做Base嘅Mocktail($58)🍹：Peach on the Beach以及Tuscany Sun。前者綠色嗰杯飲落清新啲，因為加咗薄荷葉同青檸；而後者黃色嗰杯就甜啲。
我喺上面已經陳述唔少有關食材高質同食物味道出眾嘅部份。除此之外，服務亦值得一讚👍，特別係女經理，佢好專業咁介紹菜式，過程中亦好貼心，擔心陽光會唔會曬親我哋呢。餐廳重視客人意見，仲會主動遞上意見卡！
總括嚟講，呢餐真係好開心，好滿足啊😆，價錢係貴，但佢對得住個價錢。如果同朋友慶祝生日，我會選擇幫襯呢度💯！
Post
