Non Kitchen

Open Now

Now Closed

同事知我冇牛不歡，介紹了這間有牛扒放題， 但可惜我功課做唔足，嚟到先知係逢星期五先有放題， 見到套餐都唔好貴，一於試一試。慳家如我叫佢最平嗰兩個set, 炭燒澳洲肉眼扒,煙三文魚田螺忌廉天使麵， 曾經有刻想叫tenderloin，但怕肥，最後都係叫rib eye steak芒果蝦沙律,賣相一流 , 蝦肉夾左係芒果肉中間，精緻到好似macaroons, 而且味道酸酸甜甜 ，好合我口味。麵包有兩款共四件，可以點橄欖油及醋，食我 始終係鍾意好香牛油嘅麵包， 各人口味不同。 粟米湯好正，飲得有粟米蓉主角終於上場，炭燒澳洲肉眼，五成熟，賣相精美， 最感恩嘅係冇咩根， 火候控制得好好，五成熟啱啱好， 而且最愛佢厚薄剛好，最擔心食太厚的牛扒，好易會鞋。 連同露筍，薯仔，蕃茄等伴碟都好好食。香草忌廉天使麵，煙三文魚兩大舊，田螺數唔出，應該有十隻左右。 天使麵唔會太林，充滿香草及 橄欖油的香氣， 成碟比我清曬最後甜品簡直超值，出街是但食個心太軟起碼都38蚊，呢度加25蚊，重要有多一個雪糕球，買相又精美， 我鍾意佢唔係用超苦嘅朱古力整，因為有d會整到食落有燶味，佢的味道反而似麥提莎嗰隻朱古力。滿足嘅一晚，