Video
Read full review
2020-01-06
2409 views
呢日同呀媽近近地出觀塘食個晚餐，之前朋友推介過工廈有間台灣嘢唔錯，又抵食，所以就一於去試下啦！位置都幾方便，距離apm不遠。上到去發現餐廳原來都幾大，而且坐滿人，星期六夜晚嘅工廈竟然咁人山人海👏。我哋坐咗喺四人枱，旁邊嘅牆壁畫咗唔少🇹🇼台灣主題同地標嘅畫，幾靚幾好睇。睇返餐牌有乜好食先，種類都唔少，飯麵類有肉燥飯、湯麵或拌麵等揀，而且仲有小食添。另外，飲品亦有幾多選擇，例如水果茶啊珍珠奶茶啊嗰啲都有。餐廳落單嘅安排係自己寫喺紙仔上面，再交俾店員，咁樣其實幾方便，同埋減少落錯單嘅機會👍。鮮梅佐炸豬排肉燥飯($59)，造型非常精美啊，份量亦都唔少。店員提我哋可以試下粒梅先，唔酸的，又幾唔錯喎，甜甜哋開胃。🐷炸豬扒個皮酥酥脆脆的，唔熱氣，而且肉質夠淋，好食😋。肉燥飯味道正常，有唔少伴菜，如滷水蛋、蘿蔔菜脯同青瓜等，一啲都唔單調！五寶什錦醬乾拌麵($65)，什錦醬即係指麻辣醬(微辣的)同芝麻醬，醬集中放喺底，所以記得要自己撈勻。🍜拌麵個碗望落好似好淺咁，但其實勁闊裝到勁多，麵量一啲都唔少。拌麵用上關廟麵，我第一次食，但麻麻哋鍾意，因為麵質較淋較扁，不過有芽菜加返啲分。五寶其實同小食拼盤幾似😂，
呢日同呀媽近近地出觀塘食個晚餐，之前朋友推介過工廈有間台灣嘢唔錯，又抵食，所以就一於去試下啦！位置都幾方便，距離apm不遠。上到去發現餐廳原來都幾大，而且坐滿人，星期六夜晚嘅工廈竟然咁人山人海👏。
我哋坐咗喺四人枱，旁邊嘅牆壁畫咗唔少🇹🇼台灣主題同地標嘅畫，幾靚幾好睇。睇返餐牌有乜好食先，種類都唔少，飯麵類有肉燥飯、湯麵或拌麵等揀，而且仲有小食添。另外，飲品亦有幾多選擇，例如水果茶啊珍珠奶茶啊嗰啲都有。
餐廳落單嘅安排係自己寫喺紙仔上面，再交俾店員，咁樣其實幾方便，同埋減少落錯單嘅機會👍。
鮮梅佐炸豬排肉燥飯
$59
73 views
0 likes
0 comments
鮮梅佐炸豬排肉燥飯($59)，造型非常精美啊，份量亦都唔少。店員提我哋可以試下粒梅先，唔酸的，又幾唔錯喎，甜甜哋開胃。🐷炸豬扒個皮酥酥脆脆的，唔熱氣，而且肉質夠淋，好食😋。肉燥飯味道正常，有唔少伴菜，如滷水蛋、蘿蔔菜脯同青瓜等，一啲都唔單調！
五寶什錦醬乾拌麵($65)，什錦醬即係指麻辣醬(微辣的)同芝麻醬，醬集中放喺底，所以記得要自己撈勻。🍜拌麵個碗望落好似好淺咁，但其實勁闊裝到勁多，麵量一啲都唔少。拌麵用上關廟麵，我第一次食，但麻麻哋鍾意，因為麵質較淋較扁，不過有芽菜加返啲分。五寶其實同小食拼盤幾似😂，有香腸、雞翼、花枝丸、貢丸同滷豆腐，每樣各一件。
炸物拼盤($49)，炸物有香腸、鹽酥雞、蝦捲、丸子同甘梅薯角，當中有幾款係同五寶麵嘅料一樣哈哈，變咗我哋可以一人一粒。🐔鹽酥雞同炸豬扒嘅炸皮一樣，唔錯，但我覺得豬扒好食啲。另外，炸咗嘅丸子比較起就咁淥熟好味道；而蝦捲就一般，肥豬肉較多。至於甘梅薯角，就係用上蕃薯條配甘梅粉，個配搭係正嘅。
晚市無套餐供應，如果嗌咗主食，餐牌上嘅飲品就可以減$10。我要咗🍎🍋🍇哈豆鮮果茶($49)，以一個大玻璃壺裝住，配上迷你杯仔，變得好襟飲🙈。味道幾唔錯啊，真係用上唔少水果，例如熱情果同火龍果等，最緊要係唔會過甜，太甜認真怕怕！呀媽飲咗黑白珍珠豆漿紅茶($36)，我都試咗啖，但其實唔係好飲得出豆漿味，唔甜偏淡，但都ok嘅。不過珍珠同出面飲料舖就真係無得比，唔夠chewy😐。飲品價錢相對食物來説無咁抵，但食飯又點可以唔嗌呢？好彩都叫做有優惠，減幾蚊。
題外話，依到嘅食物碗碟好搞笑，扮緊係用籐竹織成，實則係塑膠嚟。我會覺得啲碟似東南亞風多啲for泰國越南菜，哈哈🤣。
總括嚟講，依間台灣小店唔錯，食物味道幾好，價錢大眾化，份量多，菜式大路得嚟又不乏一啲較為少見嘅款式👍。餐廳店員唔多，主要得一位女店員負責樓面，佢超忙但都能夠保持禮貌同無整亂啲單😉。環境方面亦算係咁，始終喺工廈入面無太大期望，不過餐廳有一個大大大大大加分位就係全程播住我最愛嘅五月天嘅歌😍，令我覺得置身於台灣中。
Post
