Vision 8

餐廳老闆好nice，服務態度好好👍🏻 因為餐廳座位嘅問題，我地要調去其他位置，老闆同我地講咗好多次唔好意思，好客氣，最後仲請我地飲杯野🥳💪🏻 蘋果木燒西班牙黑毛豬鞍扒 ($268)呢個豬鞍扒非常厚身，啖啖肉，而且肉質結實，有豬香味😝 仲可以自選唔同嘅醬汁，個人認配黑椒都幾夾。另外，配菜嘅焗薯係用咗芝士去焗，芝士焗得好香，令成個焗薯片更好食😋 而且豬鞍嘅脂肪比例較少，係一個健康嘅選擇💪🏻💪🏻 鮮菇·蜆·茄醬燴意大利麵 ($168)蕃茄醬有好多茄蓉，係偏甜嘅茄醬，再加上用有蒜蓉去炒，令茄醬混都有蒜香，所以意大利粉嘅味道更加豐富😋 另外，蜆肉係原隻連殼上，都鮮味，亦都有好多隻蜆🥳💪🏻 酥炸魷魚圈 ($68)魷魚圈炸得好脆身，內裏嘅魷魚肉彈牙煙靭😛 配埋他他醬一齊食好夾！💪🏻 餐湯及餐包 ($42)餐湯係蕃茄忌廉湯，蕃茄好濃郁，而且係偏酸嘅蕃茄味，個人幾鐘意🤩 好開胃！另外，餐包都焗得好鬆軟！熱辣辣搽埋牛油好香。味道：7.5/10性價比：6/10 食住瘦指數：💪🏻💪🏻💪🏻/5